■容祖兒在美國期間一展廚藝。香港文匯報訊 為慶祝踏入樂壇20年，容祖兒除了8月舉行演唱會外，早前她更飛到一個對她別具意義的地方─美國洛杉磯，拍攝音樂特輯《LOVE IN L.A.》，呈現她鮮為人知的一面。
音樂特輯於日前播出，選擇到洛杉磯拍攝，因為這個地方跟祖兒好有淵源，「最印象深刻一定係我啱啱出道時我媽咪陪我嚟呢度受訓，噚日我阿媽好搞笑咁話『當年我同你去美國時嘅年紀，就係你而家嘅年紀。我好開心，到現在仲可以睇到你呢個節目。』我都唔知好嬲定好笑，因為真係唔一定可以（睇到）㗎嘛，都廿年啦，所以我係懷住一個好開心嘅心情去拍呢個音樂特輯。」第一站去到著名錄音室「PARAMOUNT RECORDING STUDIOS」重新錄製對祖兒音樂路上最重要的五首歌，包括：《未知》、《痛愛》、《隆重登場》、《牆紙》及《長大》。
穿耳一圓多年心願
之後她就去了穿耳，原來這是她三十幾年來的心願，祖兒指她第一次穿耳在四歲，到中學時，因為見到鄭秀文穿耳骨好靚，於是就走去穿，不過即晚被媽咪叫她除低，「到咗今時今日，我人在美國，佢（媽咪）阻我唔到㗎啦！我現在就做呢件事啦，完成我卅幾年嚟最大嘅心願。我除咗喺工作上有好多唔同嘅嘗試，喺生活上唔知係冇時間？定係唔敢去做？你哋眼中睇落去好細件事，我會諗好耐！」不過向來孝順的祖兒都有立即拍片給媽咪看，始終「身體髮膚，受之父母」。
不過此行最令人意想不到的是，祖兒為團隊親自下廚，她一邊煮餸一邊透露自己對入廚比較吝嗇，坦言入廚的原因只有一個，就是拍拖。之後她還facetime要媽咪教路，在整理食材時她又笑說：「其實我覺得如果呢一餐飯煮得好嘅話，對我嘅人生幸福有好大嘅幫助！」落鑊時，更表演「拋鑊」，功架十足。完成三餸一湯後，祖兒用番自己的歌名為餸菜命名，如「十六號蝦仁炒蛋」、「西蘭花千樹帶子」、「黃色咖喱大門」。
