■洪卓立奪「先鋒金曲」兩個獎項。香港文匯報訊 洪卓立（Ken）前日到廣州出席「音樂先鋒榜三十一載榮耀盛典」。Ken繼去年奪得兩獎後，今年再接再厲，分別奪得「最佳現場演繹獎」及憑歌曲《獻醜》獲得「先鋒金曲」兩個獎項，為六月的佛山演唱會打了支強心針！
近來努力健身的Ken當晚以一身綠色西裝襯白色恤衫現身，綠色西裝褸以金色閃漆作點綴，既斯文又型格，一出場粉絲們已經嗌破喉嚨，Ken亦現場演繹歌曲《獻醜》。獲得兩個獎項的Ken表示好開心、好榮幸也好感恩，但又有少少慚愧，「因為上年嘅錄音過程並唔係好順利，有好多阻滯，所以上年其實喺音樂方面只得呢一隻歌推出咗，但大家都喜歡呢隻歌，所以非常高興。」他又指今年將會全面回歸音樂，「今年會出三隻歌，六月喺佛山亦會有個音樂會。」問到音樂會備戰得如何？Ken表示：「Keep住練歌，體能上亦都好努力訓練，每日都做至少兩個鐘頭Gym，真係操得好甘，操到個人都散咗，不過見到自己每一日都有進步係開心嘅。」除此之外，Ken還說：「八月份希望喺香港有啲嘢可以發生到啦。」粉絲們拭目以待啦。