■朱庭萱(中)透露姚子羚情況OK。香港文匯報訊（記者 梁靜儀）吳日言、董敏莉、吳文忻、羅霖、朱庭萱及黃澤鋒太太陳麗麗等，昨日出席TVB 節目《媽媽唔易"造"》記者會 ， 會上眾人大談生兒育女的心路歷程及箇中苦與樂。
吳日言與董敏莉分享餵哺母語經歷，吳日言表示女兒已半歲大，仍在餵母乳，她表示為了餵飽女兒，已昇華到不介意其他人的目光，她笑說：「有次去食自助餐，笠塊布就餵人奶，其他人目光一定有，但日子有功已唔介意，只係BB有啲焗，出汗唔enjoy，但肚餓都冇辦法。」董敏莉坦言仍未衝破到心理關口。
與姚子羚分屬好友的飲食作家朱庭萱，被問到可有聯絡近日被傳「偷食人夫」的子羚？她表示日日都有跟子羚聯絡，並透露對方情況OK，都是繼續開工拍《唐人街》。問到子羚的情緒如何？她說：「唔開心一定有，好堅強，好正面咁面對呢件事，知道佢有啲工作要押後。子羚好快回應，外界反應都好同正面。」對於有指子羚涉及四角戀，朱庭萱認為傳媒未有求證便報道，某程度是傷害，而兩個人單身拍拖都好正常。
指床照從不法途徑取得
對於子羚都擔心有其他情慾照，朱庭萱卻拍心口說：「我覺得肯定冇，正常清醒情況下係冇影情慾照，但瞓覺唔清醒情況下係得嗰張。」至於可會替子羚不值？她說：「男女拍拖好就一齊，唔好都冇辦法，雙方都有付出，我都識男方（子羚前男友Raymond），感情上控制係非常混亂，導致今次件事發生，但唔係佢報料傷害子羚，今次件事有人好明顯想影響破壞人哋，邊個係大贏家，邊個係大輸家，大家有眼睇啦。」她又力撐好友子羚，指她很正面，沒太多緋聞，又不是拋眉弄眼、好物質的女仔。
她續稱都認識Raymond的前妻但不熟絡，只知她好sweet。 問到是否覺得照片流出正印嫌疑最大？朱庭萱卻說：「 我唔想推測，仲有一個嘛， 因為嗰單嘢只牽涉幾個人，（但手機相怎樣拿到？）據我所知係不法途徑得到， 但報唔報警就交畀當事人處理。」