■姜濤(左)與嘉賓Anson Lo(右)合唱新歌。香港文匯報訊 《姜濤一號種籽音樂會》前晚假九龍灣Music Zone舉行第二場演出，姜濤於台上繼續大唱19首作品，當中包括翻唱樂壇前輩謝安琪《囍帖街》、小肥《時光機》及林奕匡《難得一遇》等作品，他並獲好兄弟、組合Error梁業（肥仔）及Mirror成員盧瀚霆（Anson Lo）力挺擔任演出嘉賓。
Anson Lo繼首場演出擔任嘉賓後，昨晚再次與姜濤合唱新歌《B.M.G.》，二人合拍的型格舞步，令台下尖叫聲不絕。Anson Lo昨晚在台上又大爆姜濤「趣事」，指Mirror去年演唱會慶功時，姜濤飲半杯酒已見暈，Anson Lo更大爆：「當時姜濤仲有意識，但偷偷匿埋一角玩手機，我起初以為佢同邊個傾偈，但點知發現佢google（指搜索）『喝醉酒如何解醉』。」
完騷後，姜濤感謝兩位兄弟兩肋插刀擔任表演嘉賓。談到被Anson Lo爆「趣事」，姜濤回憶道：「其實我飲酒唔叻，又唔識猜枚，當日同大家玩包剪揼輸咗，原本覺得過咗十八歲都應該飲返一半都冇乜大問題，但點知飲半杯已覺唔對路。其實人有疑問，上網check係一件好正常嘅事，咁我飲醉酒狀態，真係需要搵一個解決嘅方法，我嘅做法好值得大家學習，大家如果有任何疑問，可以立即上網搵答案。」
來到第二場，姜濤覺得自己的表現只值66分，比首場演出多加1分，他解釋道：「我仲未睇Playback啊，不過經過首場演出，汲取咗經驗，今（前）晚已經好少少，但一定仲有好多不足嘅地方，所以保守啲去睇，總會進步1分吧！」