■集會民眾跨年齡、跨階層，同心守護香港。 香港文匯報記者 攝雖然我哋住喺唔同嘅地方，做緊唔同嘅工作，甚至屬於唔同嘅世代，但香港係我哋嘅家！我哋要共同守護自己嘅家園！
最近一連串的衝突、對立、撕裂，令到我哋一直引以為傲嘅法治受衝擊、受破壞，一向盡忠職守嘅警員被毆打、被抹黑。我哋嘅家園烽煙四起，一片狼藉。而家嘅香港喺度流緊血，市民喺度流緊淚，我哋大家都十分痛心，亦十分憂心。
今日我哋行出嚟，就係要向全香港呼籲：大家係時候要停一停、唸一唸、傾一傾！
我哋唔要暴力！我哋唔要撕裂！我哋要法治！我哋要和平！我哋要安定！我哋要團結！
我哋深信：只要我哋堅守「一國兩制」，只要我哋支持特區政府依法施政，只要我哋大家同心同行，就冇解唔開嘅結，就冇打唔開嘅鎖。我哋呼籲每一位熱愛香港嘅市民，一齊冷靜落嚟，尋找出路，團結一心，守護香港！
