■Joey香港文匯報訊（記者 李思穎）容祖兒（Joey）前晚踏入第十場演唱會，全晚表演甚High的Joey同歌迷打成一片，但原來Joey太過投入演出，不慎被人工智能咪架撞傷耳仔，向來樂天的她自言慶幸不是撞傷嘴，否則會嚇親大家。
當晚捧場的圈中人有胡杏兒、黃智雯、胡蓓蔚、關心妍、李施華、姚子羚等，當晚邀得Dear Jane擔任表演嘉賓，Joey在台上表示跟Dear Jane一見如故、一拍即合，第一次合作是由成員Howie為她作曲的《心之科學》，獲得很好成績。主音黃天翔（Tim）就要多謝Joey：「年初我們開紅館演唱會，Joey未等我們開聲就已經主動話Mark期來支持。」Joey笑道：「嗰日我見你幾個有嘢又唔講，個口含住包嘢咁，既然知道你地開騷就心照啦，我咪主動講囉。」
Dear Jane在台上承諾會再寫歌給Joey，Joey聞言開心說：「係咪㗎，好呀！既然《心之科學》有好成績，咁你地去開拓教育系列啦，心之體育，心之......」引得觀眾大笑。繼而大家再合唱《習慣失戀》作結。
歌迷舉牌表達心聲
每晚Joey會坐上飛船跟山頂朋友唱卡拉OK，這晚歌迷早有準備，紛紛寫上大字報表達心聲，分別有「我要唱歌」、「雖然我病咗我都想唱」、「 老婆生日所以要唱」，有歌迷更戴搞笑蟹帽博Joey望到。其間有日籍歌迷舉大字報話要唱歌，日本歌迷努力唱完一段歌後，雖然無人聽得到他唱什麼，但全場都報以熱烈掌聲鼓勵，非常有愛。另外又有一個來自英國男歌迷被Joey問：「 Do you love me？」男歌迷答「Forever！」令Joey十分開心，事後Joey話：「歌迷真係好好，好識逗我開心，其實歌迷才真正是我奶媽，每晚他們都幫我注進無窮無盡力量，非常感謝！」
Joey因傾盡全力演出，其間受傷也不察覺，正當人工智能咪架自動回旋時，反彈力太強，她回家後才發現撞瘀了耳仔，祖兒在社交平台跟歌迷分享了這個小意外，並留言道：「真係越跳越起勁，尋晚返到屋企發現隻耳仔瘀咗，唔怪得知跳緊嗰陣覺得有一下痛痛哋啦，好彩唔係冚親個嘴咋，唔係就嚇親大家啦！繼續一切順利！」