【穿梭馬場】長追潘頓都有錢贏

不少馬迷喜歡用相同注碼長追某馬房或騎師下注，所以上季十元長捧獨贏得失紀錄，有助大家尋找最值得捧場對象。來自南非的騎師利敬國，憑活力十足及可騎輕磅馬的優點，獲得一眾華洋倉口支持，除告東尼以外，上季與其他馬房均有合作，最熱頭馬係來自羅富全馬房的「日日精彩」，而策騎葉廄「盛勢」更爆出全季最冷W，派彩高逾一千六百元。用十元平均注碼長捧利敬國，全季累積進帳高達二千一百一十九元，回報可觀。至於上季十元長捧唯一可獲正數回報的練馬師只有沈集成一位，旗下「開心好玩」爆六十六倍冷W也是交由利敬國執韁，證明騎者雖然唔叫座但陣上依然拚搏落力，的確是值得今季長吼騎師。不值得用十元長捧方法的，馬房中一定要數到冠軍級的蔡約翰，即使贏冠軍及頭馬次數多達七十八次，但所贏賽駒賠率偏熱，但同時搏輸的次數亦多，單一注碼長追不宜。騎師中，田泰安上季出賽六百九十三場，是列陣次數最多的騎師，但只贏八十四次，長追要蝕千四元，當然唔抵。另外，冠軍騎師潘頓坐騎經常成為焦點，捧得過熱長追有戒心，但上季十元長捧仍罕有二百多元利潤，因為佢爆了一隻五十一倍的「喜勝勁駒」，直接扯高了平均派彩，長追冠軍騎師都有錢贏，絕對係難得一見奇景。

讀文匯報PDF版面