■龔慈恩大讚「老公」吳岱融唱情歌令她好冧。香港文匯報訊（記者 梁靜儀）張振朗、吳岱融、曾偉權、蔣志光、歐瑞偉、韋家雄、曾航生與龔慈恩昨日到電視城出席台慶劇《牛下女高音》宣傳。首次為該劇宣傳的張振朗，被問到少了女主角黃心穎陪伴宣傳會否有點孤單？他說：「少許啦，得自己撐，但有班前輩在都好好睇，劇集播出後觀眾都讚他們演得好。」問到可有跟黃心穎聯絡？他承認有聯絡：「之前有message，話現在劇集播出，傾了兩句，(心穎現身處何方？)冇詳談。」他坦言《牛》劇終於播出很開心，因為拍了沒理由唔播出：「之前大家叫我做地獄黑仔王，𠵱家咪係破地獄，希望另一齣劇集《堅離地愛堅離地》都可以播出，話晒第一次做男主角，仲唱埋主題曲。」
吳岱融表示之前也有唱歌給太太鍾淑慧聽，否則會反面 ，太太都讚他唱得不俗。問到會否與劇中一班「中佬」夾Band？他說：「都想成班一齊去雲頂做騷。」戲中飾演他太太的龔慈恩，亦大讚「老公」唱情歌令她好冧。她表示近幾年與吳岱融合作了五次，每次劇種都不一樣很好玩，大家合作很夾得來。宣佈離婚後首次公開亮相的她，被問到是否放下了包袱？她說：「係，人要有夢想同責任。（呢一刻夢想搵新男友？）都係，（有冇人追？）等緊，等岱融哥介紹，要真(戀情)，仔女都大，我都要搵自己世界，年紀唔重要，最重要係心態，都想搵個伴同做返自己鍾意的事，好似學唱歌，（叫個女教你？）個女太忙冇時間教我，現在畀返空間大家都係尊重。」