■劉佩玥與Bob擺出搞笑甫士。香港文匯報訊 （記者 梁靜儀）劉佩玥 、陳煒、張秀文及林盛斌（Bob）昨日到將軍澳電視城錄影節目《你估我唔到》。
劉佩玥（Moon）表示受疫情影響，已經有一個星期無出街， 主要是留家中煲劇及執屋︰「我主要看玄彬啲劇，佢喺《愛的迫降》裡太吸引，等大結局時我又翻睇佢套舊作《秘密花園》。（想成為「玄太」？）唔使喇，我做小粉絲就得，我都好鍾意女主角孫藝珍，佢啲搞笑戲同感情戲都得，我乘機偷師。」問到她最想跟哪位靚仔拍浪漫戲時，劉佩玥竟說︰「如果要喺玄彬同林盛斌之中揀，我呢刻一定揀阿Bob，我哋係好朋友，平時見佢同太太及小朋友相處，知道佢係個暖男。」她又稱擇偶條件不着重外表，最重要是好人和善良。
阿Bob旗下的製作公司生意，近日亦受新冠肺炎影響，不少工作要取消或延期，他說明白現時處境，自己沒特別去計算損失。 阿Bob笑說：「每日見老婆晨早出去幫客睇風水，由早睇到夜晚至返屋企，至有少少咬老軟感覺。（老婆有無睇到香港運程？）問過好多師父，要到農曆三、四月至回順。」
一同主持節目的張秀文聞言即想邀Bob嫂為其新居睇風水，她指新屋是租的，租金比之前平，為安全起見，她沒有親身去睇樓。說到她可有叫緋聞男友「少年食神」Michael代勞？她即說：「唔使，有Bob嫂就得。」阿Bob趁機追問她與Michael的緋聞，秀文即尷尬否認，強調只是誤會。