■溫碧霞在巴黎拍戲，沒有去瘋狂購物。香港文匯報訊 （記者 李思穎）溫碧霞（Irene）風塵僕僕，農曆新年一家出埠外遊充電後，現已全情投入工作，日前已平安抵達巴黎為第一部進軍國際的法國電影《Happy night》（暫名）開工，其他時間便留守酒店，專注睇劇本做功課。
Irene到埗巴黎後只休息了一晚，第二日馬上開工，只是開工拍了3天，前天星期日（16日）已經可以休息一天，但她沒有出街，留在酒店休息及睇劇本做定功課。Irene透露：「我哋拍得好順利，導演非常Nice，劇組所有人都超Nice，合作得好開心，每日準時早上9點或10點開工，晚上7點準時就收工，星期日一定休息，可以放假不用開工。」
有否趁放假出去「血拚」購物？她爽快答：「冇呀，冇出去呀，都好攰呀，想留喺酒店休息下，做下運動，因為我哋喺郊區取景，喺酒店附近散下步就算，冇出去市區購物，坐車到市區好遠要兩個小時，寧願留時間唞足精神及睇下劇本做下功課。」