■Aka（右）與余潔滢首次合作。香港文匯報訊 （記者 梁靜儀）女子組合Super Girls隊長趙慧珊（Aka）日前剛度過生日，早前推出了新歌《到底之後》的她，主演的微電影《最好的禮物》昨日亦於網絡上正式推出。
微電影中，Aka首次與同公司的余潔滢（Zoe）合作，兩人飾演充滿妒忌怨恨的兩姊妹。Aka表示故事是講妹妹出於妒忌，多次傷害及欺負她，令她好心痛和傷心，拍攝時心情長期處於低落和波動，充滿挑戰性，她說︰「感謝導演搵我拍，之前我曾經主動搵佢幫我拍MV，現在佢搵返我拍，係好大挑戰。」
提到初次合作的Zoe，Aka大讚對方「得意」，二人也因合作變得熟絡︰「佢真係好得意，我成日諗要唔要諗住我現實中的妹妹去代入佢，但當見到佢，就好鍾意佢，好快投入，當咗坅Y我妹妹咁。」
Zoe透露與Aka在樹林拍攝「攤牌」一幕後病倒，當時係凌晨時分加上天氣好凍，又穿高跟鞋，山路唔平，結果最後病了，有小小傷風。問到她現實中有否曾與家姐余香凝鬧得不快，甚至出現妒忌怨恨？Zoe坦白說︰「大家實有鬧交，但好快冇事，因為佢始終為我好，唔會做傷害我嘅事，所以唔會似微電影入面咁。而且大家由細到大一起生活，有一排唔見都會掛住對方，會覺得冇人同我傾心事，我應該做唔到戲入面咁狠心。」