前日有黑醫護詛咒一位因新冠肺炎而入ICU嘅警察「一路好走」，警察人事部昨日下晝發出通告，指確診警長情況非外界所言嚴重。 網上圖片早前部分醫護罷工，已經令好多香港市民對啲黑醫護極之失望，前日又有黑醫護詛咒一位因新冠肺炎而入ICU嘅警察「一路好走」，引起好多市民憤慨。有網民狠批佢冇人性、冇醫德，擔心佢咁偏激根本唔適合照顧病人，要求佢辭職，希望醫管局嚴肅追究。唔知係咪越傳越離譜，警察人事部噚日下晝都發出通告，話確診警長情況唔係外界講咁嚴重。
網傳一個名為「Tang Jan」頭像全黑嘅facebook頁面截圖，顯示該人轉發一條黃媒立場新聞「46歲確診男警肺衰竭入ICU插喉 曾參與3．31驅散」嘅報道，並配以「一路好走。醫療資源緊拙（絀），希望佢讓番（返）張病床畀有需要嘅人。」嘅涼薄言論。
有網民話，嗰位黑醫護係屯門醫院護士鄧×賢，目前佢個賬戶已喺facebook搵唔到，但根據網民cap圖所見，呢個黑醫護嘅家庭成員「Gnat Jan」、「Unun Tang」亦都係全黑頭像，佢facebook記錄嘅書記亦都係「理大學生報編委會」等內容，可見中「黃毒」已深。
網民斥冇操守冇人性
白衣天使本來應有嘅善良喺坅蚼屭�蹤跡，取而代之嘅係涼薄惡毒。網民「Helen Yip 」直言佢「真的好醜惡，正常人都不應該，你仲要係醫護，簡直是可悲」。「劉菲」就質問：「初心在哪？你的人性在哪？你的職業道德在哪？」「Mandy Lau」慨嘆：「 做護士基本條件吾（唔）係要有愛心咩？ 佢似乎對人唔係對事，如被她照顧的病人真可憐， 可能一睇唔順眼就......唉！唔該佢轉行啦。」
「鄧偉文」強調：「 任何生命都是寶貴的，不應政治立場蒙蔽了良心，作為醫護人員應要反省，盡失專業操守。」「Jenny Ng 」都話：「點解可以噉（咁）樣？ 縱使政治立場唔同，但都係人命一條，係乜嘢可以令D人變得噉（咁）偏激，冇道德可言？」「Bmyw Wong」怒斥 「黃人便是如此，你吾（唔）同意佢，佢就要你死，如同法西斯，容不下異己者。」
「Kelvin Hun」就擔心「 無醫德既（嘅）人，仲可以行醫照顧病人嗎?」「Lau Erica 」就要求佢辭職「你應該讓返個位比（畀）真正有愛心同為市民服務嘅護士。」「Leung Leung 」就認為「一定要追究黑心醫護。」「Rachel Ng 」就批評：「醫管局一路唔做嘢， 呢班黑護就越嚟越放肆！」
有市民已在網上發起向醫院管理局行政總裁、屯門醫院行政總監、屯門醫院護理總經理、食物及衛生局局長、醫院管理局主席、特首辦等發信投訴，要求解僱相關的黑醫護。 ■香港文匯報記者 文根茂