■黎耀祥坦言受疫情影響，很多工作都要煞停。黎耀祥（祥仔）慨嘆疫情不單對演藝界有影響，對各行各業都有影響，好像他很多工作都要煞停，其中有跟薛家燕、肥媽上遊輪登台，還有美加及內地很多商演活動都煞停了，收入方面的影響可謂很大，所以要是疫情能消失，他第一件最想做的事也就是開工：「畢竟停工了多月， 如果全球疫症可以喺今個月內消失，我可以退出江湖，我好認真，即係金盆洗手，我願意，最好明天即刻冇晒疫情，（觀眾咪有損失？）唔會唔會，一山還有一山高，一雞死一雞鳴，冇我有第二個。」
受到「限聚令」影響，不少人都大大減少社交生活，祥仔笑言自己平日不是愛逛街的人，加上朋友並不多，好友來來去去都是一兩個，就算在家中聚會也沒有問題，對他說來唯一最大影響是不能與太太去旅行，因兩人都喜歡去日本，都期待再到當地旅遊。
祥仔又稱今次疫情對他的人生觀不多不少都有一定影響，從中更學懂珍惜：「原來好多嘢都係意料之外，好似今次都估唔到疫情會令全世界停頓晒，出去（外地）又唔得，呢件事之後會更加珍惜擁有嘅嘢。」祥仔珍惜的還有與家人之間的親情，他指香港人向來都是比較匆忙，面對好多事都會說「第二日先」，但原來突然一個意外，就會打亂所有計劃。
他笑謂疫情期間最令他感動的，不是朋友幫忙撲抗疫物資，反而是他幫家人撲到口罩：「農曆新年前去咗日本旅行，嗰時疫情仲未爆，好多親友託我喺嗰邊買口罩，我撲咗一箱返來畀家人用，（一家人因為口罩感情更好？）都係㗎，咁一向都有聯絡嘅，自己都好樂意。」