■ 左起：宣萱、陳豪和滕麗名出席劇集煞科宴。香港文匯報訊 （記者 梁靜儀）陳豪、宣萱、滕麗名（阿滕）、羅仲謙、洪永城、林穎彤及鄧佩儀等，前晚到太子出席無綫劇集《陀槍師姐2020》慰勞宴，當晚筵開11席，由幾位主要演員負責夾錢埋單。
近期一劇接一劇的陳豪，拍竣《陀》劇後將會接拍新劇《飛虎3》，近日正積極操體能，他笑指以往只着重練肌肉，現時年紀大了需要操體能。談到他主演的新劇《殺手》前晚首播，對撼鄭浩南主演的ViuTV劇集《地產仔》，陳豪說：「拍劇梗係希望有人睇，唔會因為自己而話人哋唔好，希望大家都有好成績，百花齊放。（會唔會睇《地》劇？）坦白講𠵱家好少睇電視，但希望多啲人支持。」
宣萱拍劇4個多月幾瘋癲
宣萱表示回想拍攝這套劇都有4個多月，感覺幾瘋癲，她說：「當時個個戴口罩，政府不停叫你留喺屋企，但我住嗰度好多外國人都冇戴口罩，然後自己不停咳嗽，但又不能夠放假，又怕傳染畀人，所以開工初期都有無形壓力。」對於拍攝時幾位男演員輪流受傷，她坦言見到這個情況都很擔心，即袋定護身符開工。
阿滕就苦笑稱疫情期間開工，因為限聚令，不可以在外面拍，很多街戲改為車戲：「劇組喺公司set晒車cam，然後我哋揸架車出去拍，拍完再揸返公司，咁咪冇聚到囉，我覺得呢下好嘢。」
宣萱表示會先休息，再執屋、陪狗、整牙及做身體檢查。阿滕笑指之前因為美容院關門，自己經歷了斷手指甲、甩掉眼睫毛的日子。宣萱即教她自學gel甲很簡單，她有時都會自己整指甲。除了《陀》劇，她們又合作拍電影版《尋秦記》補戲，待不用隔離，便回內地開工。
提到早前馬蹄露姪仔馬米高出書暗指在TVB拍劇時被阿滕欺凌，有備而來的阿滕笑說：「我最憎畀櫈人坐，（同對方有冇合作過？）我完全唔記得，同埋我鍾意自己帶櫈，（畀唔畀人坐？） 隨便坐啦。」宣萱就力撐阿滕：「唔緊要，我哋都做好多『冇做過嘅嘢』。」
對於莊思明日前拍外景時，放在服裝車上的手袋被人偷去，她懷疑是閉門失竊，阿滕表示平時開工會將私人物品交給助手保管，所以不用擔憂，如果沒有助手的話，她建議找相熟的梳頭、化妝、服裝朋友幫手看管。
羅仲謙 （謙仔）與洪永城（Tony）一起受訪，之前為拍劇留了幾個月鬚的謙仔，劇集煞科即剃鬚，問到此舉是否囡囡最開心？他笑說：「佢Keep住高傲，望我一眼就望其他地方，但老婆見我冇鬚就好滿足，（囡囡改咗名？）搵人改咗，等百日宴先公布。」
謙仔爆洪永城很快當爸
近日與女友展開同居生活的Tony，被問到何時當爸爸，被謙仔大爆他都很快會做爸爸。說到有相士批他與女友梁諾妍同居容易有BB， 問到Tony 是否急着生小朋友？會否未婚產子？他笑說：「問得咁仔細，我點樣回答？都係朝着正常方向進發，總之有好消息會同大家講，我係Ready，（準備好做爸爸？）都可以，都差唔多年紀，阿謙細過我都做咗爸爸，不過唔使計劃太多，自然就學到做爸爸，都會向阿謙取吓經。」
謙仔就笑謂陳豪過了他兩招，他就再教Tony。他又指拍劇時也有向陳豪取經，得悉小朋友未夠一歲已安排返Play Group，感到非常有壓力。