■ 右起：伍文生、楊卓娜、黃穎君及梁芷珮出席頒獎活動。香港文匯報訊（記者 梁靜儀）楊卓娜、伍文生、梁芷珮及黃穎君昨日出席頒獎活動，姍姍來遲的楊卓娜表示近日疫情稍為緩和，很開心見到那麼多人。看到現場很多人都未有戴上口罩，問到家中有小朋友的她會否擔心？她坦言：「都驚㗎，咁人哋講嘢我閉氣。」她表示返到屋企她會全身消毒，因女兒經常指她防疫意識太低，她苦笑說：「全家都啄住我，因為我出街比較多，所以返到屋企，佢哋要淨化我個人。」
近日除了忙於拍劇及出席宣傳活動外，她還有做KOL教烹飪，她說：「我本身都鍾意煮嘢食，想開個網上頻道拍短片教煮餸，（幫妹妹楊怡整陪月餐單？）冇呀，我哋好少見，已經兩個月冇見過佢，因為呢排忙開工，而且佢都想我隔離吓先。」她又透露楊怡要求她上屋企前要做足消毒工夫：「我去探BB前要沐浴更衣，入屋前又要全身360度消毒，再帶埋衫去換，（妹妹要求？）係，佢老公（羅仲謙）喺屋企都戴口罩，（佢好緊張？）緊張係應該。」
伍文生妻兒離港避疫未返
前無綫藝員伍文生表示其經營的食肆，在疫情下生意不單沒有下跌，反而有增長：「我間食店主力做外賣，不過外賣要運費，生意冇話跌幾多，仲有啲增長，但整體上人流係少咗。」另伍文生透露太太與子女自今年1、2月去了澳洲避疫後就一直未有返港：「因為太太以前喺當地讀書，諗住返去避疫，點知一去不返，七月中已喺當地開學，原本係計劃小朋友幾年後先過去讀書。」現時他要兩邊走。
梁芷珮昨日偕同女兒出席活動。她透露稍後母女檔上陣拍洗手液廣告，她笑說：「第一次同個女一齊拍廣告，今次酬勞有6位數。」芷珮表示受疫情影響，旅遊節目暫時開拍無期，但她已着手蒐集東歐的資料， 如節目能成功開拍，將要離港個多月，打算偕同細仔及細女同行。
