■「黃絲」大鬧龍門冰室嘅食物質素無進步。 fb截圖「黃絲」不斷高叫要撐「黃店」，不論好醜死都要撐，但正所謂把口講乜都係假，個胃就最公正，就算盲撐極都有頂唔順嘅一日。「黃絲」「Chik Wg」近日就喺「黃絲」吹水圈「51黃金良心圈」上大插最多牙齒印嘅「黃店」「人血龍門」賣嗰啲擱艘N天下無敵，擺落口就好鬼難食，話以為佢哋俾人插到死會有啲改善，「點不知都係咁×差，啲賣價仲唔平添（𠻹）。」
「Chik Wg」話，「人類總要犯同樣錯誤」，提到自己食午餐時見到「人血龍門」有個食肉獸餐，初時諗住雖然之前佢啲嘢難食，但咁耐應該有所改進，仲講到話係米之蓮秘方??，「心諗差極都有個普（譜）掛（啩），點不知，真係×老×。個餐湯係一包包即食湯，仲要未×開，成包咁比（畀）你。」
「Chik Wg」再講，「個牛扒先係重點，嗰（個）扒黎（嚟）到我仲×嬲，鋸個（嗰）舊（嚿）野（嘢）鋸到我隻手冇力，×你老×米之連（蓮）煎牛挑扒會煎×到全熟？ 你知唔知我之前係（喺）龍門（冰室）食×完個中服（伏）牛扒，個心理陰影有幾×大，今次我鼓起好大勇氣黎（嚟）食，你比（畀）的（啲）野（咁）ge（嘅）野（嘢）我食？ 我係（喺）花園（餐廳）lunch（午餐）鋸個扒都係$ 7x 。」
食食吓「Chik Wg」都頂唔順，再發帖講要轉飯堂，問其他「黃絲」有無好介紹，又講自己平時喺銅鑼灣時代廣場返工 ，因為減肥做健身要食高蛋白低碳水，「平時都係食花園鋸扒/龍門、通粉雞扒蛋。又話自己已經真係食到悶，仲有邊的（啲）茶記冰室有意粉、通粉雞扒、牛扒蛋？唔要焗同炸」云云。
「難食都要笑住話好食」
此帖一出，唔少人都好有共鳴。「Fanny Kwok」就話，「去黃店食，同食垃圾冇乜分別，但冇辦法曱甴係鍾意食垃圾」﹔「Shirley Ng」亦講，「笑左（咗），撐就要撐到底唔好彈。難食，硬食完，仲要笑住話好食，舉晒姆（拇）指先為之撐。識唔識中文呀佢地（哋）。」「Jennifer Chow」就好抵死咁話：「路係自己揀！屎係自己食！」 ■香港文匯報記者 郭家好