李先生：
我太太上一次嚟海洋公園已經係廿一年前喇，但當年因為打風，玩咗一陣就要走，你睇我哋張飛仲喺度！今日係佢生日，咁啱又有時間，我特登陪佢嚟玩吓。我都怕佢（海洋公園）頂唔住執笠，所以有機會就要嚟！
何女士：
我同讀小學四年級嘅孫仔嚟，佢今日唔使返學。我哋已經做足晒防疫措施，一定會戴口罩同埋成日洗手，另外又帶咗消毒搓手液，同其他人唔好企咁埋就得。孫仔嚟呢度玩得好開心呀，最想係睇企鵝！
吳太：
我今日生日，所以特登嚟慶祝吓，又可以探吓啲可愛嘅動物。我知道海洋公園做咗好多防疫措施，所以好有信心，當然我自己都會做足本分，就係戴口罩勤洗手，同其他人要保持社交距離，所以應該冇問題啦！