■鄧健泓幫手證太太石詠莉未懷孕。香港文匯報訊（記者 梁靜儀）林曉峰（阿Lo）與練美娟為ViuTV主持的全新節目《調查男女》，昨日請來鄧健泓（Patrick）與太太石詠莉（Sukie）擔任嘉賓，二人首以夫妻檔上遊戲節目，Patrick說：「 因為太太係豬隊友，一嚿飯咁， ( 答問題時有冇出現分歧？)通常我會讓Sukie，但我贏到啲禮物都要畀佢充公，我嘅即係佢嘅，佢嘅都係佢嘅！」Sukie聞言即笑說：「梗係啦，唔係畀邊個？」Sukie又稱不單知老公有幾多身家，就連他的銀行密碼、手機密碼、社交平台賬戶密碼全都知道。
Patrick自爆曾於社交平台上Like靚女相，但被Sukie發現，他說：「返到屋企佢黑面問我點解Like人哋3年前張相？」Sukie說：「Like3年前嘅相，即係睇咗好耐，佢又留言讚人靚女好Fit！」Patrick笑謂當時即在老婆面前Unfriend個靚女。另外，身着鬆身連身裙的Sukie被懷疑有喜，Patrick即搞笑當眾掀起太太的毛衣又拉緊連身裙澄清。
而早前驚爆和康子妮（Lily）離婚的阿Lo，首度現身公開活動。阿Lo表示上月26日由內地回港，問到他可見到好友錢國偉（Wilson）最後一面？他說：「唔使親身見，可以用Facetime。」他指Wilson 是他認識的朋友中最堅強及意志力最強的一個， 在對方患病過程中，他在Wilson及其家人身上學到很多。
林曉峰樂意接受新戀情
談到他又可適應單身生活？他帶笑說：「我OK，習慣， 人去到呢個年紀要諗跟住點， 就係要開心，難得大家開心，現在個選擇係大家都開心。」他指離婚決定是雙方協議，事前亦有開家庭會議，屋企好開明，兩個兒子亦好明白。他又稱與前妻再見亦是朋友：「做朋友仲開心， 之前我唔喺香港Lily都有幫手照顧兩個仔，（有傳黃翊介入你哋嘅婚姻？）唔係事實唔回應。」
說到轉投保險業的Lily疑跟保險公司上司傳出戀情 ，阿Lo大方祝福對方，只希望她開心，問到可會幫襯Lily買保險？他笑說：「唔使Sell，有撐Lily。」至於他也樂意接受新戀情。