對沈慧林來說，太子珠寶鐘錶主席鄧鉅明不僅是他伯樂，更是一位給予許多有用建議的大前輩。
「鄧生其實一開始都拒絕我，擔心我哋同外國錶都係陀飛輪，價位差太多。但我話唔緊要啦鄧生，我哋保持一個好關係，希望你繼續教導我，睇到我哋兩班客戶係唔同嘅。」之後有次海港城展覽，鄧生突然到場參觀，並借走一隻現場員工的手錶去檢驗，通過其驗測標準後即大量入貨並全線分行銷售，當時太子珠寶銅鑼灣店單月就賣出過百隻錶，一年更賣過千隻。
日本市場佔公司七成生意
「嗰段時間我創造咗鐘錶業奇跡。」沈慧林笑稱。不過突然的成功並未衝昏頭腦，對創業路上的貴人，他選擇以謙卑的心待之。鄧鉅明曾對他說過要做好日本市場，因為不少行內前輩都於日本起家。他牢牢記在心中，8年來積極投入發展，並與當地藝術家合作設計手錶。今年疫情期間，日本市場就有5至6張訂單，當地生意更佔去今年公司營業額的六至七成，成為今年公司在疫情下的生意命脈。
萬希泉品牌名字蘊含寓意
「萬希泉，就係萬眾希望的泉源，我想呢隻手錶唔只記錄時間，亦都將希望帶畀大家。」那麼作為錶行老闆，他又最喜歡哪一款手錶？他輕輕甩了甩手上手錶：「我個人好專一，雖然錶櫃廿幾隻錶，但近年戴嚟戴去戴呢隻，因為有紀念價值，係公司2015年在港成立首間研發室時所設計的紀念錶款，外圓內方，天圓地方，技術含量都好高㗎。」