張小姐：直接捐畀機構好啲
捐款呢樣嘢，最主要視乎慈善機構做緊乜嘢，符唔符合我嘅理念，呢個係決定捐款與否嘅個人原因。至於籌款中介服務費，當然係唔好，直接捐畀機構會好啲。
羅小姐：一蚊都唔想入中介袋
呢個情況（街頭月捐）出現咗一段時間，我哋唔係傻嘅，唔會個個俾佢哋呃。捐嘅錢一蚊都唔想落入中介袋裡，要畀到真正有需要嘅人。
葉先生：直接畀機構降行政費
過去有捐款畀慈善機構，不過係一次性直接畀機構，唔係街頭月捐，唔會經中介手。我覺得直接畀機構先至可以降低行政費，最大程度幫到受助人，而中介抽佣正係違背呢一點。