 放大圖片
■楊千嬅
【本報訊】（記者 李思穎）楊千嬅和丁子高夫婦同心，昨日齊齊支持「聯合國兒童基金會慈善跑」，丁子高更落場比賽，擔任頒獎嘉賓的千嬅不忘為老公加油，不過千嬅的打氣招數便是叫老公「食蕉」，兩人又隔空打情罵俏，千嬅無意間表露心跡，希望從老公手上獲頒發「最受歡迎女歌手」，擁有這幕經典場面便可以收工（退休）。
丁子高昨早七時多便到達並參加十公里賽事，身旁未見其老婆千嬅相伴，丁子高風騷說：「去年佢跑，今年我來接力。」千嬅如何幫你打氣？丁即忍不住笑說：「佢叫我食蕉，我有做蕂，食了一隻蕉和飲了一盒奶。」兩人沒有一起落場比賽，丁取笑太太：「唔好，相差太遠。（嫌佢跑得慢？）費事啦，相差成個鐘，不過平時有一起跑步，我有捉佢去馬場做運動。（佢今年不來跑？）佢諗住頒獎畀我，哈哈，其實我唔係好勁，都是業餘性質。」
丁子高在太太「一蕉」打氣之下，跑出來的成績也不俗，以52分完成十公里賽事，他在比賽完後先行離開，記者笑問他不是要跟千嬅在終點站來個擁抱嗎？豈料他和千嬅心有靈犀都說「黐線」。
氣管敏感沒有參賽
千嬅約近八時許到達現場，隨即忙著接受傳媒訪問和上台頒獎，未有機會和老公碰頭，千嬅解釋今年沒有參賽，因剛從北京回港以致氣管敏感，前一晚亦工作到凌晨，她說：「我有叫佢加油。（叫佢食蕉？）係呀。（佢好聽話照做。）這是學跑時教練所教，需吃一片麥包和一條蕉，我有提他，準備蕉畀佢，否則腳軟便大鑊，所以最大支持是捐錢和食蕉。（佢話同你一起跑相差太遠？）係咩，離晒譜，佢向來有跑步習慣，當年也是他叫我參加馬拉松，他很喜歡運動，受他影響下便開始跑步。（佢話差成個鐘？）有無再誇些？」
|
放大圖片
