|
香港文匯報訊 (記者 顏倫樂) 積極拓展商廈市場的億京，原來可算是半路出家，最初是靠發展住宅「起家」。黎裕宗透露，90年代初公司以發展住宅物業為主，包括92年發展首幢住宅物業山翠苑，較近期則數到長沙灣尚南天等，幾乎全部為單幢樓。「住宅難買地，如果無大的發展機會，無法造到聲勢，無論積累到幾多財富，始終係三流角色，10年心血與回報唔成正比。」
億京為此一直物色更好的投資領域。適逢90年代尾需要搬遷舊總部(長沙灣永基商業大廈)，所需寫字樓面逾萬呎，機緣巧合下購入長沙灣長裕街8號舊工廈改建成億京廣場。「當時只係一個天真想法，見幅地皮喺地鐵站附近幾靚，又唔想去中區買一層，咪落重本將幢工廈改成甲廈，幾層自用，其他或租或售，呢區舊廠家好多，無理由人人用舊嘢。」
競爭激烈 靚地買少見少
提到公司的發展方向，黎裕宗強調現時積極增加土儲，但面對同行競爭激烈，靚地買少見少。「我哋無話唔買住宅地，但至少1萬呎以上先會睇，商業地就要2萬呎以上。政府推出的商業地亦一直有留意，但現階段傾向先完成手上的項目。」
|
