 放大圖片
■負責調查瘋母殺兒案的「老差骨」在討論區的感性留言，惹起網民關注9歲小兄長今後安排。
面書嘆「小朋友有咩罪」 聞9歲童「我肚餓但食唔落」心酸
香港文匯報訊（記者 杜法祖）「接過無數咁多單謀殺案（單是2014已係第四單），而呢單令我最心傷，嚮現場一路做一路想喊......」自稱當差26年的「老差骨Canny探長」，昨在facebook（面書）感性留言，引起網民極大迴響，有網民留言：「向全香港專業嘅警察叔叔致敬。」有不少網民則聲討女嬰父親拋下母女3人不顧，極度不負責任，更多人關心的是女嬰9歲小兄長的前路，鼓勵他堅強活下去，「希望政府可以好好照顧佢。」
「老差骨Canny探長」的留言續稱：「個妹妹好得意，畀媽咪嚮條頸度斬咗十幾刀，個頭爭啲甩......」
他又形容死者年僅9歲的哥哥，身形及年齡均與自己幼子相似，雖經歷家庭劇變但表現好乖，好平靜，更透露自去年中秋後已再沒有見過父親。
男童生性「執埋運動衫要上堂」
老差骨又稱，當他問男童肚餓嗎？男童懂事的答：「叔叔，其實我肚餓㗎，但係我食唔落。」頓令他感到好心痛，當他打算入屋為男童執拾可更換的衣物時，男童還提醒他「你可唔可以幫我執埋套運動衫，我聽日要上運動堂！」他聽完後即將頭轉過去，終於忍不住流下眼淚。
全屋血積木散地 似「頭家散晒」
「老差骨」稱，他與同袍搜證至凌晨4時「我當時累到坐咗嚮AP(疑犯)張床度，因為成屋血，我實在搵唔到其他地方坐。」「我望住間屋......冷氣，成屋得兩把風扇仔，搵晒全屋，連一張全家合照都無，淨得一張用舊日曆寫嘅紙，上面寫住『忍，退一步海闊天空』，但最後......」老差骨說：「望見妹妹嘅衫仔、鞋仔、玩緊嘅積木散落一地，好似代表頭家一樣......散，個心好痛、好痛......小朋友有咩罪？」
「心情久未平復 26年從未試過」
最後老差骨稱「做完單嘢，心情久久未能平復，係26年嚟從未試過，自問不嬲以鐵石心腸，心狠手辣見稱，做任何Case(案件)，老謀、綁架撕票，更兇殘，更核凸，更血淋淋嘅現場，從來未試過有嘢可以影響到我心情，但今次......唉！可能真係老咗。」
網民關心9歲仔 盼政府妥照料
一段「老差骨感言」隨即引發網民熱烈討論，有網民說：「老差骨呢段文字情意真摰，感人至深，希望轉發出去，加速有關人士正視哥哥今後的福利事宜。」不少網民都關心案中9歲哥哥的將來。有網民留言：「個哥哥9歲，已經開始懂事，呢件悲劇嘅慘痛記憶會跟住佢一世，真心希望佢得到適當嘅輔導，等佢可以捱到過去，慢慢咁成長。」
有網民表示：「小妹妹好可憐......哥哥以後條路都唔知點行落去......希望9歲小朋友可以搵到好家庭收養......」另有網民留言：「難得個小朋友咁生性，希望哥哥可以堅強勇敢面對人生......日後可以獨立......」更有不少網民表示：「希望政府可以好好照顧佢。」
|
放大圖片
