|
香港文匯報訊（記者 鍾立）公民黨立法會議員陳家洛與「人民力量」主席袁彌明的「手下」、「海怡關注組」的區元發「爭位」而交惡，兩派的「打手」近日互相攻擊。一批疑為陳家洛的「打手」，批評不明白區元發身為業委會代表未有盡責，「業委都做唔掂，做乜鬼學人選區議員呀！」有疑為區元發的支持者，則聲稱陳家洛在立法會討論新界東北發展以至創新及科技局時「連一條問題都冇問」。有人則揶揄道，其他候選人都應該退選，讓「住（喺）大埔（嘅）陳家洛自動當選」，「公民黨千秋萬世，永垂不朽。」
陳家洛為取得明年立法會選舉「超級區議員」的入場券，參加了今年的區議會選舉，並選擇落腳海怡東，與袁彌明牽頭成立的「海怡關注組」參選人區元發打對台，令雙方交惡。近日，有疑為區元發的支持者，在陳家洛的fb選舉專頁中介紹政綱的帖子中留言「挑機」，引發了罵戰。
該名為「Joshua Fong」者說，「好多人話你（陳家洛）夾硬空降不知所謂。可否回應一下。」疑為陳家洛支持者的「Ip Yiu Wing Leo」即反擊道：「好心D（啲）人要踩場搞事前爬下文先啦！」「Joshua Fong」質問：「問個問題都算搞事？你競選唔係有責任向巿民解釋問題架（㗎）咩？」「So Chi Kin」也留言批評：「搞事？有冇了解清楚呀！人地（哋）（指同區另一候選人林啟暉）係（喺）果（嗰）區高支持，袁席（袁彌明）怕你輸比（俾）個區你選，你係唔選，最後-定係比（俾）建制！邊個搞嘢呀喂！」
區被爆缺席6次業委會
疑為陳家洛支持者「Awf Harpen」指稱，「我識關注組d（啲）組員，佢地（哋）都不明白關注組點解一定要在海怡東同陳家洛撞區，所以很多組員都不滿。」「Alex HK」則反擊稱，「我都識得關注d（啲）組員，佢地（哋）絕大比例同意出選海怡東。因區元發住海怡東超過20年，而且係座代表和業委。」
疑為陳家洛「打手」的「海怡人」其後留言揶揄，「住20年天橋底大有人在，這是理由參選或能力證明嗎？」他又「爆陰毒」稱區元發「已自9月初開始至今缺席所有大小業委會議，......做法莫（漠）視選民素（訴）求，未盡座代表責任，有負所託」。「Wing On Cheung」唱和道：「唔係呀嘛，你唔講真係唔知，區元發原來一直無開業委會......業委都做唔掂，做乜鬼學人選區議員呀！」
「Alex HK」解釋道，「區先生宣佈參加區選期間，為避免被指為自己助選，已委託相關人士作其代表出席業委會議。」「海怡人」隨即踢爆稱：「區生你都冇委託人開會啦，有會議記錄證明，呃唔到人㗎。......你之前選座代表仲發公開信話你對手6次冇開業委會議，做法不負責任，有負選民所託，你真係有口話人冇口話自己！」
陳被揶揄立會常潛水
見對方說得「似層層」，疑為區元發支持者「Wai Tin Yip」另開戰線，稱「你係咁講乜水乜水冇去開業委會d（啲）芝麻綠豆小事做乜，不如講下陳（家洛）議員係（喺）立法會的出席記錄啦，創科局陳生連一條問題都冇問你唔講......東北事件全體泛民議員係（喺）財委會血拼，陳議員都冇出席啦，你又唔講」。
網民「おぎはら りと」則似乎對疑似陳家洛「打手」的窮追猛打感到不耐煩，留言揶揄道：「好，贊成住係（喺）海怡廿年的區元發和林啟暉也退選，讓住係（喺）大埔陳家洛自動當選。妙！......公民黨千秋萬世，永棰（垂）不朽。橫行無忌。萬歲萬歲萬萬歲。」
海怡西選區候選人還包括陳家珮。
|
