 放大圖片
■梁國雄與鄭錦滿在節目上「互片」。有線電視截圖
「本土派」表明有意參選9月立法會選舉，包括社民連在內的激進反對派首當其衝。選戰未開始，社民連立法會議員「長毛」梁國雄日前就與「熱血公民」成員、人稱「四眼哥哥」的鄭錦滿展開舌戰。兩人日前在電視節目中多次「互片」，鄭錦滿揶揄梁國雄「抬棺材、拉鐵馬」的「抗爭」手法過時，又稱他在立法會坐至肚滿腸肥。梁國雄就針對「熱血」多次在示威中「抽水」，又搬出雙方在立法會新界東補選的恩怨。
鄭嘲梁「抬完棺材就散水」
梁國雄及鄭錦滿日前出席一個電視節目。節目甫開始，梁國雄提到旺角暴亂時，批評當日「啲人搵石（磚頭）去掟警察、還擊」。鄭錦滿即揶揄梁的「抗爭」成果已是陳年往事，「抬吓棺材、同警察協調一啲示威動作，例如拉吓鐵馬，然後就算、就散水......你哋『泛民』所做嘅嘢，已經係過時，已經係out（落伍）㗎喇。」
鄭錦滿的言論觸動了梁國雄的神經。梁反駁自己根本不是「泛民」，又將焦點轉到多次在示威中「抽水」的「熱血」身上，「你幾時做下一次『勇武抗爭』？你有無做過？你有無掟過石？」鄭稱：「我點會無做過『勇武抗爭』。」梁反擊道：「你都無做！黃毓民又無做，黃洋達又無做，陳雲又無做！」
梁責鄭曾受恩惠現「反骨」
鄭錦滿隨即搬出前年警方在旺角「佔領區」清場的舊事，稱自己與梁國雄同樣被捕，「我係俾人告到去高等法院，你就因為有尊貴議員嘅身份，就無告到你嘞。」
梁即踢爆鄭曾受其恩惠：「當日係你阿嫲攞5萬蚊嚟擔保你，我仲叫個律師免費同你擔保。」
梁國雄又狙擊支持「本土民主前線」梁天琦的鄭錦滿：「如果用你哋嘅講法，年初一之後應該會繼續有（『勇武抗爭』）吖，點會捲咗去競選度？你幾時做第二單？」鄭錦滿則稱，梁是在侮辱「用血汗去抗爭」者，「你當年就係街頭行動者嘅身份，但係呢十幾年嚟你無進步過，所有責任交晒畀啲後生仔嗰度......（年輕人）唔係好似你咁，已經喺立法會裡面，坐咗十幾年，肚滿腸肥！」
梁國雄又被「辣着」：「我肚滿腸肥？你見唔見到黃毓民去『抗爭』？黃毓民都未坐監呀，你係咪叫黃毓民去掟石？」鄭錦滿稱黃毓民曾在立法會擲水杯，被控普通襲擊，案件更已進入司法程序，「你嘅工作咪就係做好啲手工送畀官員囉！」梁此時展示牢獄生涯的「戰績」：「我坐咗五六次監啦，毓民坐咗監未呀？陳雲坐咗監未呀？」
講到不同黨派的選舉協調工作時，梁國雄翻黃毓民舊賬，謂黃在新界東補選初期時，已簽名支持楊岳橋，但在旺角暴亂後改為支持梁天琦，鄭錦滿護主心切：「因為局勢轉咗嘛，係因為梁天琦受到你哋『泛民』嘅系統不停打壓......『泛民』嘅系統就係《蘋果日報》用咗幾日頭版幫楊岳橋做選舉廣告！」梁就揶揄：「我幾時有打壓過佢......你除咗義和團咁唸台辭，仲有乜嘢啫？」 ■記者 陳庭佳
|
放大圖片
