 放大圖片
■有網民留言煽動勿支持「明哥」。
因其經營的店舖長期義贈飯菜予深水埗區內基層而被尊稱為「明哥」的陳灼明，近日接受網媒訪問時，表示反對部分人鼓吹「港獨」，強調大家都是中國人，「冇得唔認」，又呼籲香港年輕人應協助國家進步發展，整理一套令香港繼續繁榮穩定的理念，才真正對香港有益。「明哥」的意見贏得好評，但部分激進「本土派」網民無視「明哥」的肺腑之言，更侮辱「明哥」「無知」，誣衊他「迫人做奴隸」。
「明哥」近日接受《港人講地》訪問時，回應有人鼓吹「港獨」的問題時表示，「你係中國人就係中國人，邊有得話唔係呢？你係中國血統就係中國人，你（𠵱）家住嘅地方就係中國地方，係中國管轄嘅地方，想唔認都唔得。」
他認為，香港年輕人「可以用你嘅方法，令國家裡面可以做到一路民主、進步，社會地位可以提高。你應該要諗辦法點樣令到國家富強，喺世界裡面強，唔好只係企喺香港度睇，要企高一啲，要睇全世界所有政治鬥爭同民主步伐，總結一個真真正正可以令香港繁榮穩定嘅理念出嚟，咁先至可以令香港有進步！」
若「本土」成功「建國」 港死九成人
不過，激進「本土派」從來不問是非，「講嘢唔啱聽就唔係人」。一批激進「本土派」支持者在激進群組，包括「反赤化 反殖民」專頁等留言侮辱「明哥」，其狹隘及充滿仇恨的言論，讀之令人心寒。有網民看不過眼，慨嘆道：「如果畀佢哋（激進『本土派』）成功『建國』，香港起碼要死九成人！」 ■記者 鄭治祖
激進「本土派」辱「明哥」
葉俊龍：明哥真係千年道行一朝喪，名聲因此而毀於一旦……他的善行付諸流水！完。
李俊偉：佢條X樣，5行欠插啦！明知咁樣衰就唔好扮好人，搞到人地（哋）冇胃口都唔方（慌）積德去邊！
Chi Ho C：根本佢就係用派飯來宣揚「港共政權」。
神崎窩囊：搬返大陸派飯吧（罷）啦！
Chun Wai Lo：明哥只係無知，但無知往往係最可怕。
Lun Chi Doe Ng：「建國」之後對呢類人我地（哋）會採取甄別政策，等佢可以「遣返中國」。
Paul Chan：上一代大中華老人不死光，香港不會有未來！
[網民感心寒]
Man Leung：如果比（畀）佢地（哋）成功「建國」，香港起碼要死九成人！
Pang Ching Yau：政治立場係政治立場，明哥係做善事，坦白講佢唔介意（你）去唔去佢度食飯。佢最介意係一班需要食平價飯（的人）有無飽飯食。我佩服明哥。
佘雲楚：民粹主義的極致——非敵即友（非友即敵）！
Siu Mei Tang︰呢位哥哥真係講得非常好！「新世代」諗嘅嘢大多都係不設（切）實際、又衝動又自我，佢地（哋）第一樣要學嘅就係「尊重別人」，唔好吓吓講話為香港人將來着想，而家都攪（搞）唔好重（仲）講咩將來！
Raincoat Lam：你可以唔認同，但明哥的確做緊實事幫緊人，我尊重佢。
資料來源 ：facebook 製表：記者 鄭治祖
|
放大圖片
