■林作（中）面對低胸的黃榕（右）及尹蓁晞竟怕醜。香港文匯報訊（記者 梁靜儀）林作昨日梳靚頭現身處男電影開鏡拜神儀式，面對低胸的黃榕及尹蓁晞，林作竟怕醜有欠自然， 最後由兩女主動搭他膊頭合照。林作透露戲中客串飾演一名作家，笑指是他的處男作？林作笑問：「一定要用處男呢個字？」頭髮梳得齊整的他，直言總是不太習慣。問到戲中可需被女摑？他笑道：「未睇劇本，難度唔係好大，我又唔係郁手那個。（媽咪准唔准？）佢應該係恨鐵不成鋼，想我有些作為，所以唔怕我作咩犧牲，唔使理佢。」問到他拍戲的底線？他否認說過接受全裸演出，要視乎對手及很多因素。對手是麥明詩嗎？他避談說：「唔好再講，一講佢就有好多餘波。」有指他借前度女友麥明詩的言論抽水，麥明詩事後回應不是肉體被抽水便行。對此林作表示有睇到，但沒有其他評論。
另外，他又笑指從來無人跟他講過戲中有這麼多靚女，據他了解戲中跟女演員沒什麼親密互動：「早知要求一下，我會爭取。（唔擔心影響大律師專業形象？）我都係講講。」至於片酬？他指講錢很易令人有反應，所以不講錢，希望有機會發展下。他又透露正洽談下一部電影，適當時會公佈。
穿上低胸裙現身的黃榕，身形顯得消瘦，她解釋因想挑戰健美比賽，之前勤做健身，體重減至現時的九十磅，上圍都由原本C cup縮至現時的B cup，內衣都要買過。她又透露戲中與林作無對手戲，主要是色誘阿Bob，跟對方會有身體接觸：「會摸他全身， （包括重要部位？）劇情唔需要，但都想摸......我指重要部位係塊面。」