■定欣透露展鵬有傳短訊給她講「唔好意思」。香港文匯報訊（記者 梁靜儀）蕭正楠、 胡定欣、馬浚偉、馬國明、劉心悠及周秀娜等昨日出席在將軍澳電視城舉行的《宮心計2深宮計》拜神儀式。陳展鵬被拍到與落選港姐單文柔密會，令緋聞女友胡定欣成為焦點之一，定欣昨日強調心情真的沒有受影響，展鵬亦從來沒有追求過她，希望大家別惡意攻擊單文柔。
蕭正楠日前拍攝時不慎弄傷左腳，昨日走路時仍一拐一拐。他表示受傷當日看完醫生已回來開工，當日要坐車先拍攝上半身的戲份，讓下半身休息，幸好近日多是拍文戲，只是有一場入宮戲要行快一點，需要分開來拍。阿蕭稱醫生指他主要是軟組織撞到，幸好不是太嚴重，否則開不到工：「初時聽到啪一聲都擔心斷咗韌帶，咁就手尾長，因為我飾演一名武將，之後同馬國明、馬浚偉仲有場大打場面，暫時都拍唔到。」問到女友黃翠如可有煲湯給他飲？阿蕭笑說：「飲完我驚嚴重咗，佢都好關心我，我本來諗住堅持開工，但佢一個電話打嚟叫我去睇醫生，咁就去咗醫院。」他又笑指還要多謝曹永廉，當日他還傳短訊祝他年年有今日，歲歲有今朝。
不抗拒做熒幕情侶
胡定欣表示很開心拍了該劇兩個月終於拜神，因為除了早前蕭正楠拍攝時受傷外，李龍基亦不小心傷了腰，所以前日她拍跳舞場面時同事都叮囑她要小心。問到是否因跟未有拜神有關？她說：「中國人傳統係咁諗，相信要就今日個場景先拜神，拜完就拍得心安理得。」
問到心情是否已沒有受緋聞男友陳展鵬被拍到與落選港姐單文柔密會的報道影響？她強調心情真的沒有受影響。說到網民替她不值？她說：「唔好咁諗，新聞都過咗一個星期，網上見到大家嘅支持者唔同睇法，藝人生活喺大家唔清楚嘅情況底下，大家冷靜啲，唔好惡意評論，呢啲係藝人唔想見到嘅！」她又指事件過去了，不好太多揣測，唔好用惡意攻擊別人。對於單文柔被鬧爆？她就說：「等件事過去，無事嘅。」
她又透露事後展鵬有傳短訊給她講「唔好意思」，知道她因事件被記者跟。問到展鵬可有追求過她？她說：「冇冇冇，大家信吓我哋，一直都係好拍檔、好同事。」談到以後會否不再與男拍檔做情侶檔？她謂很開心觀眾睇得投入，拍攝時亦未有預計大家會受落，但不用避忌，將來遇到有火花的好拍檔何樂而不為？
心悠澄清沒獲優待
首次拍劇的劉心悠，對於被傳與周秀娜獲監製梅小青優待遷就檔期，連累其他演員要連踩多個鐘。心悠表示自己不清楚其他人更表，她說：「由開工第一日就冇停過，中間有放假一、兩日，亦有通宵，Filmart嗰兩天辛苦啲，只睡得幾個鐘，但之後有畀時間我補返，連踩幾耐真係唔記得，只係覺得嗰兩日好長，我都有問馬國明點捱，佢話之後都有畀時間佢休息。」
心悠自言做了幾個月TVB人，愈嚟愈似TVB人，又覺得小青姐對每人都好細心，踩完一輪會讓他們休息，不止她一個放假。問到合約上可有寫明休息鐘數？她說：「合約上公司會有去傾每日有幾多個鐘瞓，但明白有時要趕戲，都唔會在意，（頂得順嗎？）都OK，原來我係有捱嘅潛質。（是妳拍戲以來最辛苦一套？）可以話係，以前拍戲吊威吔係體力辛苦，今次瞓覺時間唔夠，要靠意志去控制。」
心悠又自爆試過連續三日不夠瞓，講對白時講了英文出來，又試過被韋家雄整蠱，「有場戲我要對住佢講『強人所難』，但佢話聽到『強人桑拿』，其實我無錯，導演都接受，係佢玩我，我諗加埋呢啲訓練，我會愈嚟愈勁。」