立法會選舉「雷動計劃」、「特首民投」衰完一鑊又一鑊，「佔中三丑」之一的戴耀廷（戴妖）依然死心不息，昨日又在報章發表旨在操控區議會選舉的「風雲計劃」，瞬間引起反對派陣營強烈恥笑。不少人揶揄戴妖只是書生論政，根本唔work，更直指反對派早已「唔係好妥佢成日搞事」，形容計劃為「瘋人計劃」。更多人恥笑「風雲計劃」個名「MK味濃」，揶揄戴妖又「雷動」、又「風雲」，真係有鋪改名癮，有人更抵死反問︰「會不會成也風雲，敗也風雲？」
戴妖被嘲幫倒忙
戴妖的「風雲計劃」昨日在網上掀起一片熱議，但應該唔係佢心目中嗰種囉。唔少人都叫戴妖「收手啦」、「唔好再書生論政喇」、「戴妖唔好再搞咁多嘢啦......」。「Andy Goh」直斥︰「究竟佢要衰幾多次先會明白自己係幫倒忙？佢其實明唔明白『支共』用嘅手法『泛民』係用唔到？」
就算覺得計劃似乎可行者都係照鬧戴妖。「Kevin Li」就話︰「又放風俾（畀）建制睇住嚟打？唔駛（使）吓吓出曬（晒）聲話俾（畀）人知想點做呀？你係無腦定係鬼呀？你不如出埋本攻略俾（畀）佢地（哋）啦，有邊次唔係俾你搞到一鑊粥！」
fb專頁「辣椒文集」雖然直接幫佢改名做「瘋人計劃」，但應該係最認真去討論喇，「呢件事真係難度甚大」，因為反對派可以去競爭嘅選區唔多，「做區一定係鴿黨最叻了，根本就不到戴妖話事，他只是提議要擴大戰線，今次也不算是甚（什）麼大發明，係人都知區議會（議席）要爭，問題是點爭罷了。實戰不是戴妖強項，我也懷疑靠他不斷耗損的光環究竟說（服）到幾多人出去選。」
「風雲計劃」好MK
「辣椒文集」更稱︰「在區議會咁細個選區係搞唔到『雷動』，無得咩策略投票的。一區得幾千人根本肯所謂策略投票就好少，可能幾十都無，你1on1策咩略呢。」
更多人揶揄嘅係「風雲計劃」個名。「Roundtable Community」前總幹事林輝就話︰「戴耀廷教授係有舖（鋪）改名癮。」「香港眾志」嘅黃之鋒、黎汶洛都有畀like加入恥笑。「謝允彥」則揶揄︰「骨子裡滲透著（着）一股mk味，又『雷動』又『風雲』。」
fb專頁「得罪講句」就出post謂︰「得罪講句，阿教授點解改親啲名都咁中二病？又『風雲』又『雷動』，下次叫咩好？大家好，請投7號『民主步驚雲』一票！」「KuiYee Tsang」更為戴妖推薦「風雲戰士」人選︰「搵《風雲》戰士。有1.鄭伊健〈聶風〉郭富城〈步驚雲〉。2.鄭家穎〈都係聶風〉謝天華〈都係步驚雲〉。」■記者 甘瑜