■黃毓民在其網台節目中批評「熱城」無能。 視頻截圖「教主」黃毓民與「熱城」中人繼續開片。「教主」此前在其網台節目中，不點名批評在立法會選舉落敗後搞所謂「清算」的「熱狗前頭目」黃洋達，及「城邦派國師」傻根（陳云根），稱「如果兩個『青年新政』搞得死你呀，你都可以收工啦！」不少「熱城」中人狠批「教主」將他們在選舉期間為其拉票的「功勞」一筆抹煞，「即係話你哋所有『熱普城』支持者響佢眼中都係無能，搞到佢輸。」「沒有民眾，你黃毓民什麼也不是！」
「教主」近日在其網台節目中狠批傳統反對派，說參加旺暴而被判監的「港獨」分子出獄後要「清算」傳統反對派，更借題發揮稱，「第日呢班後生（仔）就會同呢啲政棍計數，呢啲就叫做清算，就唔係較早前選輸咗之後，『熱普城』嗰班，×你神經有啲問題嘅人，啲網上遊魂喺度搞清算！」
踩黃洋達傻根不敵「雙邪」
他更畫公仔畫出腸稱，「難得嗰啲『有頭有面』嗰啲人，係俾呢啲咁嘅網上遊魂喺度捧到好似好開心咁，興高采烈：『你唔投票畀我，無咗呢個「永續自治」，香港無運行，你抵死』咁，唉，如果兩個『青年新政』搞得死你呀，你都可以收工啦！......有名有姓嗰啲，你就唔好藏頭露尾，光明正大出嚟批判我毓民，Ok？至於嗰啲無名無姓嗰啲遊魂，我只會送佢兩個字，×街，快啲返屋企瞓覺，係咁多！」
「熱城」支持者狠批「教主」，邊個係佢口中「藏頭露尾」但係「有名有姓嗰啲」，相信已呼之欲出，梗係「狗頭」黃洋達同「城邦」傻根啦。不過，兩人睬你都傻，黃洋達一言不發。傻根就話「教主」只係「口誤」喎，但又借機借「教主」此前「基於政治倫理」，而不會參加「雙邪」被DQ而引發的補選的言論，揶揄道，「根據所謂『政治倫理』，新界東的議員補選空缺是范國威的，他好歹是個在議會有『業績』的『半本土派』。『偽港獨』的『青年新政』梁頌恆不要去爭。......」
「熱狗」批抹煞拉票「功勞」
「教主」又開火，「熱城」中人自然群起而攻。「藍鳳凰」稱，「沒有民眾，你黃毓民甚（什）麼也不是。佢似乎忘記咗，當日做（造）勢大會，就係一大堆俾佢鬧×街嘅『無名無姓』嘅人撐場。要人個（嗰）時就民意，嫌阻住就『無名無姓』快啲×街。......即係話你哋所有『熱普城』支持者响（響）佢眼中都係無能，搞到佢輸。你哋辛辛苦苦嘅血汗、受過嘅白眼，咁一句就抹殺（煞）咗。」
「熱狗」支持者葉政淳也發帖揶揄，「從前有個人，開頭豪言『訓（瞓）係（喺）度都贏』，結果輸到訓（瞓）係（喺）度，然後鬧其他人無能。......唔洗（使）唔忍心，你哋曾經尊敬嘅人已經墮落成長毛（社民連梁國雄）咁嘅水平，攞刀砍緊你。所以直接開波算啦！」
揶揄「教主」懶赴論壇抵輸
親「熱城」嘅「廢除雙重國籍行動」fb專頁也發帖，上載一幅質疑「教主」在選舉期間缺席多次選舉論壇，即使出席也少有發言的圖片，揶揄道：「『教主』缺席大型論壇呢啲小事根本不足以做成敗陣，就算『教主』完全冇出現過都勝券在握！一日最衰都係『熱普城』支持者冇7×24小時全天候拉票！」 ■記者 羅旦