■羅敏莊獲女兒錫鍚，認真冧。香港文匯報訊（記者 梁靜儀）羅敏莊(MiMi)與女兒陳禛、鍾舒祺及林子博一家四口昨日出席商場兒童歌唱比賽活動，同埸還有童星胡梓盈，擔任活動評判的陳禛更親吻媽咪。昨日是父親節，MiMi偕同女兒出席活動，她表示老公陳國邦早上去了澳門為一個電視電影節做頒獎嘉賓，今日才返港，所以前晚已一起食飯慶祝。問到女兒可有送禮物給爸爸？MiMi說：「個女讀國際學校，未係好識寫字，一個kiss已冧爆爸爸，我就做唔到個女咁，老公到埗後有send massage。個女同爸爸講『爸爸，我已經好掛住你，we love you，I miss you。』兩父女仲約定夜晚視像。」MiMi又大讚老公日前在泰國工作時剪了個新髮型，好有型，好似洗米華( 周焯華)，問到可擔心老公多女埋身？她笑說：「有點擔心，但我沒三億樓，暫時有張皇牌唔使驚。」問到陳禛爸爸可靚仔？她即大聲說：「好靚仔。」MiMi就爆女兒喜歡睇靚仔。問到會否生多個？MiMi透露女兒前兩日起床後對她說想要個baby sister，她便跟女兒說：「媽咪生你時已老蚌生珠。個女唔明問點解？我就解釋畀佢聽。」MiMi指年紀大，今年生日後便四十三歲，沒精力再照顧多一個小朋友。她笑謂很後悔當年不早點生B，年紀大才生不着數。
