「獨派」借機搶議席 尹兆堅激到爆粗
羅冠聰、劉小麗、姚松炎、梁國雄4名反對派中人被DQ，你以為反對派會因此而「團結一致」？少年你太年輕了！可能需要補選的議席增加，正是反對派鬼打鬼得最激烈之時。在立法會佔少數甚至1個議席都冇的激進反對派及「港獨」分子，就要求「泛民」搞所謂「總辭」，「變相公投」，舞劍之意自是對準空出來的議席；在立法會佔多數的當然不肯放棄高薪厚祿兼「尊貴」地位，其中民主黨新界西立法會議員尹兆堅表現最激，爆粗鬧提出「總辭」者係「鬼」係「×街」。「民主派」喎，紛紛現晒形啦！
■香港文匯報記者 羅旦
在羅劉姚梁4人被DQ後，反對派討論得最激烈的，是所謂「總辭」的問題。「普羅政治學苑」前立法會議員黃毓民、「熱狗」主席鄭松泰等，均叫反對派「總辭」，要「剎停議會運作」，要在社會「投下震撼彈」咁話喎。有關人等此議受到傳統反對派支持者的批評，有人就揶揄鄭松泰不如以身作則，自己辭職先。
組成所謂「保衛香港自由聯盟」的退休教師韓連山，圖在前晚為羅劉姚梁舉行的「反DQ」集會上上台發言講「總辭」，結果被拒上台。被DQ的劉小麗、羅冠聰，和「自決派」的朱凱廸等當時就稱不認為「總辭」有用。
稱保否決權免被「予取予攜」
其實，議席少甚至冇嗰啲喺度吹吓水，自己冇成本又可以爭光環，啱聽就聽唔啱聽咪算囉，但口講民主者通常都唔民主，亦可能傳統反對派中的確有一股要求其他反對派議員「總辭」的壓力，尹兆堅就鬼咁勞氣，在集會結束後即發帖爆粗稱：「韓連山、黃毓民你哋×街啦，叫人總辭，鬼。」
他續稱：「DQ議員話最大影響係乜先？係分組否決權同1/3議席否決權呀。而（𠵱）家6個都咁大鑊，仲要總辭俾（畀）建制予取予攜？......講『總辭』的要不政治幼稚病，要不是鬼。韓、黃就係鬼。」
網民質疑零抵抗「無料到」
此帖一出，即爆發罵戰。「Willy Chan」留言質疑：「呀尊貴議員，分組否決權而（𠵱）家都已經冇，23條就算冇人DQ都係過到，議事規則果（嗰）陣『五區總辭』時『泛民』都幫建制派修改過啦。仲有你哋『泛民』今屆會期成日有五六件議員多次缺席關鍵投票俾（畀）政府予取予攜攞錢啦仲講咩否決權呀？」
尹兆堅留言反擊：「咁，就連留下抵抗都無。......係少數就應該全面『總辭』，咁唔駛（使）參選啦，區議會都『總辭』啦，全面投降啦，係嗎？」「Tszyu Ng」加入戰團，反擊道：「抵抗？你班人做過D（啲）咩抵抗？票又唔投，布又唔拉，唔好笑死人啦！」
「Willy Chan」就再恥笑：「而（𠵱）家你講1/3咁大聲，你哋齊人投票先講嘢啦。投票率最低幾個係郭榮鏗，梁繼昌，李國麟呀！」「Kelvin Yung Pak Yu」就揶揄：「唔想斷米路咪認囉，連投票咁基本既（嘅）野（嘢）都可以缺席N次比（畀）正苦（政府）過左（咗），扮咩抵抗者？」
尹兆堅即還拖，「你即係認為，連反抗都唔駛（使），任人予取予攜？咁叫投降主義，咁樣反抗係咩現（玩）法。......每次俾（畀）人打壓，係咪都自盡『總辭』，投降？講乜？」「Anthony Mark」反擊：「你叫楊岳橋唔好成日缺席投票先黎（嚟）同我講野（嘢）啦！」
不少網民就不同意尹兆堅將意見不同者都打成「×街」。「Yu Hong Kwan」批評：「民主派的意見是民主，其他的意見都是鬼？」「Chan Kwok Hin」則稱：「黃毓民起碼搞過『五區公投』，韓連山起碼絕過食。你尹兆堅做過乜？」「Hugo Leung」反駁：「進步老師（韓連山）不嬲都係鬼，早就應該學黎智英踢爆佢，搞到社運界一壇（潭）污水。」「陳宮」則反唇相譏：「黎智英話佢係鬼，佢咪係鬼囉，班友仲有自由意志咩？」
知醜鬼祟刪post 狗達落井下石
由於爭議極為激烈，尹兆堅其後鬼祟刪post，但已俾人cap咗圖。「青症雙邪」中的梁頌恆就發帖：「呢條××真係尹兆堅？」「熱狗前首領」黃洋達（狗達）也發帖，稱「總辭」只是一個建議，但「成班飯民就撲曬（晒）出嚟×曬（晒）鬼，係咁亂槍發炮，又話叫人『總辭』嘅就係鬼，又亂講乜鬼而（𠵱）家要保住否決權......事件發生一日都未夠，班飯民就已經槍口對唔準政權啦，就只係掛住『內鬥』啦......唔『總辭』就唔『總辭』囉，駛（使）乜又話自焚又講人老母咁勞氣啫」。