■黃之鋒集會後第一個帖文就是講錢。fb截圖香港果然係經濟城市，一開口就講錢。「香港眾志」（中箭）立法會議員羅三七（羅冠聰）被法院裁定喪失議員資格，一直吸吮佢份糧、做三七助理嘅「眾志」秘書長河童（黃之鋒），出席了前晚的「反DQ集會」，但就唔知係咪心慌得滯，集會後出嘅第一個帖就係叫人捐錢。不少網民睇唔過眼，揶揄佢一開口就講錢，更質疑「眾志」此前籌埋咁多錢唔知去咗邊，又批評他們是在「永續抗爭搵飯食」。
集會爛尾 「籌旗」行先
河童在晚會後發帖，首先道歉稱：「對不起，今晚集會未如人意。我知道，大家正等待著（着）我們宣佈下一波行動，或是期望公佈某些具體方向，結果集會也未能道出甚（什）麼實質訊息。」
他解釋，這是因為他們「面對突如期來的官司裁決，不論議員糾纏於繁複的上訴法律程序，對於訟費需要賠償也非常憂慮，抑或十多位議員助理面對的失業困境，還是政黨失去議員辦事處所提供的主要財政來源」，故感到「很疲憊」。
不過，該帖的重心是隨後的一段-就係叫人「捐錢」。他稱，「眾志」將失去每月20萬元的辦事處營運開支，「不單財政陷入水深火熱的狀態，人手亦將在黨工和職員被解僱後嚴重短缺，......最後，當我們仍在思考如何應對劣勢的時候，我非常希望各位能與『香港眾志』，一起渡（度）過這個寒冬，以小額捐款的月捐方式恒常支撐『香港眾志』的營運開支」云云。
圖窮匕現，都係一個「錢」字。此帖一出，備受網民批評。網民「Africa Yip」就揶揄：「睇唔出無左（咗）個（嗰）筆錢有乜咁重要？你地（哋）未當選時都係無個（嗰）20萬架（㗎）啦？你要籌錢都要講下（吓）為乜先得架（㗎）？為左（咗）令你地（哋）繼續爭取？咁爭取啲乜野（嘢）先得架（㗎）？......好失望，第一時間係講錢，我明無錢生存唔到，但你地（哋）平時有幕（募）捐，咁啲錢又去左（咗）邊呀？」
網民質疑用途 「太多政棍」
「眾志」友「Polaris Tang」就幫河童出口反問：「冇左（咗）筆錢唔重要，邊個出糧畀議員助理呀？你出呀？」「Africa Yip」反擊：「我唔認同DQ，只係一DQ就係（喺）度叫人捐錢，會唔會快左（咗）啲？我捐錢都要知你點用啲錢架（㗎）！......以前去七一遊行都會捐錢，而（𠵱）家覺得社會太多政棍，捐錢都要小心啲，我啲錢都係血汗錢。」
「Kin Yi Jim Wong」也質疑道：「2014年『雨革』開波果（嗰）陣你地（哋）有錢咩？錢係重要，更重要既（嘅）係你地（哋）有冇抗爭既（嘅）心同背水一戰既（嘅）決心，就係太多抗爭者見到你地（哋）唔係想贏，係想永續抗爭搵飯食先至離棄你地（哋）搞到咁少人ja（喳），結果真係成晚集會剩係講補選，完全冇抗爭既（嘅）心。」
「本民前」挑機自作孽
有「本土民主前線」的支持者則留言挑機。「Rita Kwan」揶揄：「哇每個月$200,000！梁天琦都無金主啦，咪又係咁做......」
「眾志」友「Dakhon Wong」即留言反擊：「本民前有50萬現金同偉哥！」「Frankie Leung」也質疑：「梁，游住灣仔咁貴租，冇金主支持可以住咁耐？」 ■香港文匯報記者 羅旦