■「葉政淳」發帖批評「侵權」。fb截圖「熱城」同「狗主」黃毓民粉絲互相清算，似乎唔係咩新聞，但當笑話睇吓都過癮。「熱狗前首領」狗達（黃洋達）未同狗主反面之前，狗主的網台「賣台（MyRadio）」會同《熱血時報》聯播《熱時》的「大香港早晨」節目，但在反面後當然停止合作啦。近日有人發現「賣台」仍然轉播緊《大香港早晨》。「熱城」支持者即群起而攻之，狠批狗主偷片，侵犯版權。狗主一方則質疑是「熱城」黑客所為。有「熱城」支持者認為是「賣台」未有更新其App，導致「賣台」App仍然轉播該節目，並以此恥笑狗主管理不善，所以搞成咁喎！
網民批「賣台」老翻山寨廠
此前「賣台」與《熱時》聯播的《大香港早晨》節目，其後據稱因狗達嫌狗主每月只畀3萬元出手太低，要求加價不遂反面，加上「熱城」選後大搞「清算」，「清」到狗主頭上，結果「賣台」中止聯播該節目。不過，有網民近日發現，「賣台」個App仍然會轉播該節目。
「葉政淳」就在fb發帖批評：「燶×台（『賣台』）若未經授權轉播《熱血時報》節目，涉嫌侵犯版權！」「林方」就稱：「my×台侵權，狗主台搞到要偷片，my×台係老翻山寨廠！」不過，協助狗主營運「賣台」者，就指是「熱狗」hack佢哋。
「賣台」節目總監「Marco」就發帖稱：「若要人不知，除非己莫為。扮做傳媒就去扮傳媒，扮正當 Networking公司就去做你個Network啦，......賤到去做九流黑客小動作。......記住，呢個世界有樣嘢叫做LOG，太埋身咁攪（搞），小心攪（搞）出個大頭佛俾（畀）番（返）自己，我呢邊無成本的。」
親「熱城」的fb專頁「一圖論述」就發帖反擊：「話說MyRadio自從同《熱血時報》及『熱血公民』反面後，手機App就無人去做Maintenance。MyRadio同《熱血時報》已經停止合作聯播早晨節目數個月，但MyRadio個App仍然轉播《熱血時報》早晨節目《大香港早晨》，可見MyRadio係一間經營不善嘅公司。」
譏「狗主」身邊只剩護主盲毛
帖文續稱：「有盲毛竟然將MyRadio嘅管理不善，同非法轉播熱血時報節目，講成係《熱血時報》入侵MyRadio嘅手機App，可見毓民身邊，只剩下一群扭曲事實盲目護主嘅盲毛。」
「May Lam」留言揶揄：「屋企個電視轉錯台去鬧隔離（籬）屋陳生。」「La Mola」則稱：「據我所了解，以前要聯播，都要賣台個邊有operator 架（㗎）。熱時無得remote "hack "入去......我覺得係有人未SET好D（啲）機，仲係RUN緊舊procedures......老屈到因為要賣台D（啲）人的IP，所以hack入去播《大香港早晨》？！」
「Man Man Lee」就揶揄：「賣台想寫個新app，想做當然又唔想比（畀）錢啦，唔比（畀）錢就要找支持者幫手啦，一路都未有出現，即係依（𠵱）家班支持者無人搞得到啦，而賣台IT出身既（嘅）總監自己又搞唔掂，都唔難理解既（嘅）本來有能力嗰D（啲），比（俾）某D（啲）忌材（才）既（嘅）總監趕走晒，剩返既（嘅）平均年齡有眼睇啦，識聽網台好叻架（㗎）啦。」
「Lee Sandy」揶揄：「點都自爆左（咗）佢地（哋）個所謂保安好流囉！」「Lavander Toulouse」就恥笑：「第一代用電腦嗰個，宜（𠵱）家都仲係用緊第一代電腦。」「簡雍」就稱：「所以話，啲瘀血留返畀賣台，等佢地（哋）爆血管死。」■香港文匯報記者 羅旦