■楊彧見香港文匯報受街坊歡迎，有感而發在fb出酸文。 楊彧fb截圖反對派最野蠻係咩？咪就係有佢講冇人講囉。民協喺今屆立法會選舉到「滅黨」，一席都冇，已經開始冇乜人識，驚人嘅「世代交棒」又由該黨元老馮檢基左手交右手，新仔就更難出頭，但該黨都有一個年輕人近日成功爭取到本報注意，就係深水埗區議員楊彧啦。事緣佢見到香港文匯報嘅贈儐岸擗曈ㄕ陬顜{準時等住拎，就喺facebook出文話本報「洗腦」，但一邊又話本報冇人睇，真係正宗嘅公我贏，字你輸，鍾意點兜就點兜。
話本報冇人睇 但又好有威力
話說楊彧前日見到香港文匯報咁多街坊拎，有感而發就喺facebook度出文，以《【社區日常】之洗腦篇》為題，話要同大家講解吓點解「邨民唔係咁諗」，「話說我既（嘅）對家民×聯日日有文匯報派，我估數目大約100份，有免費野（嘢）梗多人拎，一班街坊有理無理每日就會準時響門口等。」
他聲稱「其實大部份（分）人都係拎份野（嘢）黎（嚟）墊下野（嘢），或者儲黎（嚟）賣」，不過又話「但少不免日日都會睇下內容，所以所有對踩『泛民』，抬北京既（嘅）思想就咁入腦，千祈唔好睇少（小）佢既（嘅）威力，謊言講左（咗）一千篇（遍），就變成真理」喎，真係咩都佢講晒。
有關帖文仲貼咗兩張相，一張就係好多街坊喺度拎香港文匯報（真係多謝佢幫本報宣傳），另一張就係前日香港文匯報的頭版，有關「一地兩檢」嘅報道，睇嚟呇n擔心街坊睇完本報報道，會好支持「一地兩檢」喎。
眼見日日有街坊準時等拎文匯報，又要貶低本報只係用嚟墊嘢，而同時仲要覺得本報幾有威力，相信好多讀者睇完楊彧facebook嗰段矛盾嘅心理描寫，第一句都會想問，到底楊彧覺得文匯報係有人睇定冇人睇呢？呢點真係要佢撫心自問先知啦。
無憑據搬龍門 成功爭取見報
查實，反對派成日口講民主，事實上毫不尊重新聞自由，大家早就知道，不過要話香港文匯報將「謊言」變真理，但少少真憑實據都冇，又指唔出本報報道有咩問題，會唔會太過隨口噏啊？另外，佢將街坊形容到咁容易被洗腦，就未免太睇小街坊，定係佢覺得只有自己講嘅嘢先係真理呢？
不過，今次佢總算衝破咗只得馮檢基有得見報嘅狀況。而我不知道楊彧是誰，今日本報終於都講吓吽A喺民協嚟講好難得㗎啦，唔知佢今日睇咗文匯報未呢？ ■香港文匯報記者 甘瑜