■黃于喬擺比堅尼相上網，好唔好睇見仁見智啦！ 網上圖片之前呻俾麻甩佬撩嘅中大前學生會幹事會常務幹事黃于喬，日前擺咗自己啲比堅尼相上網任人睇。由於佢親「本民青」嘅立場，立即惹嚟「熱狗」品頭論足，於是佢就寸「熱狗」又要唔鍾意又要睇又要周圍唱，「算唔算精神分裂」咁話。但係，佢又要擺相上網又要唔畀人講，都有少少精神分裂嘅徵兆，學獎門人話齋，呢鋪打和啦！
人稱「圓咕碌」嘅黃于喬，之前呻着住件露肩衫俾麻甩佬跟蹤兼搭訕，俾「熱狗」寸佢成日擺性感相上網，自己知自己事。
不過，高舉「身體自主」旗幟嘅吽A又點會聽得入耳？佢日前就喺Instagram度擺咗喺新加坡度假、着住比堅尼嘅相。
親「熱狗」嘅fb專頁「MyRadio苦主大聯盟」一向緊貼「圓咕碌」嘅動向，特別係相片方面，今次繼續跨平台轉載，仲加咗句「又係你呀」，同埋幾隻表示驚嚇嘅公仔。
有網友話要自挖雙眼，「講還講唔好貼相」，有人就話「由聽日起食齋」，另外「葉政淳」唔知係咪嫌個專頁得百幾人讚好，仲開心些牙（分享）去自己嗰度，「不能只有我看見」咁話。
「圓咕碌」就喺fb反擊，話自己個Instagram戶口只有佢朋友先睇到，「follow（關注）得又要憎又要cap圖（截圖）周圍唱算唔算精神分裂？」■香港文匯報記者 陳庭佳