又係「熱狗」搞事？前晚一對情侶在銅鑼灣SOGO門外軒尼詩道疑上不到巴士，竟走出馬路攔截及阻止巴士開行，其中的男子被人勸阻時竟攻擊對方，全程被車Cam影到，被人鬧爆。有網民起底，發現攔巴士的男子身穿「熱狗」的T恤，更曾與身旁女子搞反BCA活動，包括在一所學校門外燒教材等等，被網民揶揄「『熱狗』果然『勇武』」、「『熱血公民』，攔路打人」。
前晚約11時半，一輛由灣仔往筲箕灣途中的2X線新巴，在SOGO上落客後離開至中線時，該對男女就衝到巴士的車頭位置攔阻巴士開行，更拍打車頭及指罵車長。一名男途人勸阻，其後與有關的男子扭成一團。
阻街廿分鐘 網民齊鬧爆
車長通知車務中心及報警，警方到場處理並在調查後指，攔巴士的男子姓黃29歲，途人姓梁33歲，事件中無人受傷，雙方同意和解，案件列糾紛處理。巴士受阻約20分鐘後繼續行程。
該對男女被網民鬧爆。「Yuk Ying Woo」道：「趕住去死時，佢地（哋）驚無時間去上下一班車。」「昏迷丁」批評道：「趕就坐的士，阻×住其他人！」「Peter Chan」質疑道：「咁樣都可以和解？我覺得佢地（哋）仲衰過亂過馬路。」「Tango Ngan」更認為應加強刑罰：「有意阻塞交通罰佢5皮（萬元）再入獄，睇下仲有無人敢阻住晒！」
想賴內地人？ 堅「蟲粉狗乸」
不過，有網民就一口咬定，兩人一定是「大陸人」。「Hels Si」聲稱：「如果每日150人輸港都係呢d（啲）人，香港認真唔得掂！」不過，有人即時踢爆片中兩個人係講廣東話的，「李國威」仍死撐道：「學×曬（晒）『大陸』d（啲）衰嘢。」
不過，「無敵神駒」仇思達就踢爆，攔車男子可能係「熱狗」：「有眼利嘅益友發現，昨（前）晚在銅鑼灣因上唔到巴士而發爛渣攔截新巴嘅×頭，着住件『成功之前我們絕不放棄夢想』嘅熱狗tee。媽，好×呀！」「JoJo Wu」揶揄道：「成功上車之前，我們絕不放棄夢想！」
講吓講吓，兩人身份被揭露：原來兩個都係「熱狗」。男子疑為補習教師的王曦彥，自稱曾在《熱血時報》工作。「李亨利」直指：「佢有來荃灣助選， 喺（係）蟲太（『熱狗』主席鄭松泰）嘅fan， 喺荃灣開補習社！」女子則為伍嘉儀，為「熱狗」子組織「熱血親子團」的成員。
盲反BCA 今次乞課金？
兩人今年均出席過立法會舉行的公聽會，更曾結伴到一所試行BCA的學校門外掛上「罷考BCA」標語及焚燒去年試行的TSA試卷。
「Taro Bun」恥笑道：「如此壯舉，似乎熱血時報和熱血公民都隻字不提喎！」「Billo LD」就揶揄：「『熱狗』老細係乜嘢人，所以咪有乜嘢人嘅行為囉，有乜出奇呢？」「Aiba Inoran」就話：「其實係唔係做緊節目『咩咩攔截巴士上車大挑戰』呀，重點當然『課金』！」
■香港文匯報記者 羅旦