■蔡立兒邀做嘉賓，梁漢文一口答應。香港文匯報訊 蔡立兒（Cherrie）將於下月7日聯同香港業餘管弦樂團假香港文化中心劇場舉行音樂會，屆時樂團會把Cherrie的經典金曲《絕戀》、以及其他金曲如張敬軒的《青春常駐》、許廷鏗的《青春頌》等重新編曲，以大提琴及管弦樂演繹。
距離音樂會不足兩個星期，Cherrie正積極地為音樂會備戰、排練，Cherrie透露今次音樂會邀請了好友梁漢文任嘉賓：「今次係我入行以來首次個人音樂會，心情既興奮又緊張，早幾個月前已開始跟德勛跑步練氣，亦開始食營養餐keep fit，而最開心嘅就係邀請到我好朋友梁漢文（Edmond）做我音樂會嘉賓！其實早於Edmond 8月舉行佢個人演唱會時，我已跟Edmond提及下年1月我有個音樂會，想邀請佢做嘉賓，因為Edmond 彈得一手好鋼琴，心想如果Edmond 能跟管弦樂合作一定好精彩，Edmond二話不說已一口答應，佢更加分享好多寶貴個人經驗畀我，叮囑我千萬唔好緊張，要好好享受過程，享受在舞台上演出！要用音樂感染在場每一個觀眾！」
而日前Edmond跟Cherrie 及管弦樂團一齊為音樂會作排練，Cherrie表示：「雖然之前有參與過Big 4演唱會和音，但跟Edmond相識咁耐，今次才真正第一次於舞台上合唱演出。今次Edmond揀咗一首別人的歌同我合唱，希望可以畀到樂迷一個驚喜。」