■梁詠琪和伍家謙於啟動禮，喚起大眾對子宮頸癌的關注。香港文匯報訊（記者 植植）梁詠琪（GiGi）昨日在尖沙咀出席宣傳預防子宮頸癌活動，佢配合大會主題，於左手手指公印上女兒Sofia的卡通樣，GiGi說：「好得意、紮孖辮！我都有去做子宮頸抹片檢查，有咗小朋友更加驚自己有咩事，睇唔到佢成長，我都想睇到佢結婚生仔。」
每年1月是「世界子宮頸癌關注月」旨在加強婦女對預防子宮頸癌、子宮頸檢查及預防計劃的關注。HPV 防衛大使梁詠琪昨日出席活動，除了喚起普羅大眾對癌症的關注外，更與現場觀眾近距離接觸，嘗試一起創造健力士世界紀錄。GiGi於活動前以囡囡造型創作手指公圖案，更笑言會留待今晚給囡囡一個驚喜！
新年新開始，GiGi表示新年新願望希望世界更好及和平，最重要的是人人開心、身體健康。因為現在都不少人生病，所以認為健康非常重要。GiGi自爆早前為老公炮製Roscon De Reyes(西班牙蛋糕)以慶祝西班牙三皇節。她笑言從未嘗試過正宗口味的版本，GiGi說：「不過老公說味道不俗，令我感到高興。」
全女班開工拍新戲
對於將同鄭秀文（Sammi）再次合作，為關錦鵬電影《八個女人一台戲》開工，GiGi說：「同Sammi首次合作係22年前拍《百分百感覺》，嗰時我都未開始唱歌，今次好開心。今次全女班開工，肯定會好嘈。」女兒Sofia可去探班？GiGi表示會，以前個女知自己去開工會開心飛吻，現在識得扁嘴，可能覺得成日冇得見，覺得唔對路。GiGi又透露Sofia昨早由凳跌咗落地，自己鬼咁緊張，點知個女喺度狂笑。