■趙學而為演唱會拍海報。香港文匯報訊 入行三十年，趙學而4月將首踏紅館，「Right On Time」這個演唱會名是她跟團隊一起想出來，「既然個個朋友都同我講，你係時候去紅館，大家咁用力推我上去，咁 Right On Time 咪好配合囉。」等了三十年才去紅館，學而笑言她已經為演唱會開了萬次會，「咁難得紅館喎！雖然我一把年紀但都會搏命盡力啦！ 我諗住到時跳火圈吞火劍，超級無敵十字步呀咁都會做！哈哈哈！ 」
去年九展演唱會，開兩場門票秒殺，今次去紅館，只開一場，問到學而做乜咁保守開一場？她就說 : 「睇觀眾反應啦，如果反應好好，就同大會研究下，係咪可以加，依家真係唔敢咁貪心，可以唱一場已經好開心。至於演唱會嘉賓，學而就謂當然係想搵好多朋友來一齊玩一齊開心啦，不過又怕煩到朋友，所以依家都未決定到方案，總之圈中好朋友們，想舒舒服服坐觀眾席捧場，又或者主動想上台一齊玩，我都無任歡迎 。」