■周慧敏透露由去年11月初已為個唱排舞。香港文匯報訊（記者 梁靜儀）周慧敏（Vivian）昨日為本月26至29日假紅館舉行的四場個唱進行排練。Vivian表示由去年11月初開始排舞，體重亦由107磅減至101磅。
Vivian表示提早開始排舞，全因不想在台上出現「諗樣」：她笑說：「我同老公講我跳舞有啲機械人feel，所以要早少少排練，唔想上台時有諗嘢個樣，想好純熟。」Vivian透露個唱上會有兩part較長的跳舞環節，會似百老匯式，初時都擔心自己拿捏不到，但現在信心增加，而今次的快歌亦會找韓國人重新編曲。談到歌衫方面，她表示初步試過，稍後會再試，而負責歌衫的古巨基（基仔）對她好大期望，給予她的服裝好難着，當中會有性感服飾及宮廷裝，但不會太誇張，她說：「我覺得最重要適合，唔好睇我會出聲，（可要給老公過目服裝？）佢對基仔好信任，知道上台會突破啲，同平時上台唔同。」問到在家中可有排練給老公倪震睇？她說：「我返到屋企冇跳舞、唱歌，（老公有冇睇綵排？）老公唔好嚟睇喇，我怕仲緊張，親友嚟睇騷最好坐遠啲，唔好畀我知，因為上台後覺得要忘記自己，所以盡量坐得神秘啲。」
Vivian又指今次會將歌酬投放在製作上，不只是她，連基仔都一樣。說到基仔忙到生鬚根，她笑說：「我真係對唔住佢，唯有對佢老婆好啲。」提到早前結婚九周年紀念日，Vivian指當日要排練，返到屋企老公已安排好四川菜，當日食了很多辣東西，之後要乖乖養聲，因她早前病到失聲，幸好趕及練歌。