立法會行管會決定不向被「瀆誓四丑」追討薪酬。一直追擊小麗老千（劉小麗）的「無敵神駒」仇思達即刻出帖向對方「追數」，要求佢立即兌現選舉承諾，捐出毋須償還的9個月的人工的一半之剩餘尾數，及提供相關單據予公眾查閱。有網民就批評，人無信而不立，而佢「口講有拖無欠，實際一定唔會畀」。
小麗老千曾經喺選舉時講過，一旦當選就會每月捐出議員薪酬一半，在九龍西成立服務長者的義工隊。
不過，她在當選後，經「神駒」等網民「追殺」後，就公開話自己已經捐咗兩個月。不過，其後就冇晒聲氣。
有人同佢spin，話佢因為被DQ，要向立法會回水，所以唔捐住。浸會大學宗教及哲學系高級講師陳士齊（齋Sir），更喺網台節目話小麗老千已經捐咗4個月嘅一半人工，仲攞住疊紙揚吓揚吓，話呢啲就係「單據」喎！
「等咗一個月 毛都無條」
好啦，行管會決定唔追嘞，咁有錢啦？「神駒」就又開帖追數。網民「Endrew Cheung E」就鬧爆齋Sir：「陳士齊話：『已經睇過晒捐款證據』，而且信誓旦旦話『會將最少一兩幅相（證據）放上網。』......等×左（咗）一個月，毛都無條？」
「Simon Fong」批評：「人無信而不立。何況佢份糧仲係公帑。」「Milk Tea」直指：「小麗老千尤（猶）如無良僱主，口講有拖無欠，實際一定唔會俾（畀）。」「HF Lam」也道：「一講錢即時現形，乜×嘢民主自由，人權民生，我呸！」
有人就建議落區追擊佢。「Louis Yen」道：「除非一世唔食政治飯，如果唔係追到佢姑婆本都無埋，如果唔係個個×講政綱都得啦！」「MW Cheung」就教路：「如果想親自去問佢，我會好建議去太子b出口，好多時見佢都擺位，而小麗老母就會坐開一二面去食佢黯然飯團咁......」 ■香港文匯報記者 陳川