香港文匯報訊 王馨平（Linda）與舅父曾江及羅蘭前晚出席活動，並襯到絕以黑色示人，王馨平表示好開心，第一次一齊出活動，原來有人唔知曾江係自己的舅父，仲以為大家都知，今次正式公開。
兩人指向來感情要好，不時會一起食飯。問到會否合作拍戲或做節目？Linda坦言：「冇喎，冇諗過，但如果有機會都想一齊拍吓戲，舅父在我心目中係東方辛康納利（Sean Connery），我好多朋友都叫我約埋舅父一齊食飯，大家好想見佢真人。」曾江笑言也很喜歡辛康納利，可惜自己不似對方有鬍鬚。Linda續讚曾江的染髮廣告很經典，每年新年都會見到，並用來作為向朋友拜年之用，又指對方外貌沒多大改變。
