■又係這4個「口裡說不」，一開會身體就唔知去咗邊囉。反對派經常話呢樣唔啱嗰樣唔妥，但就經常唔出席會議投票。立法會工務小組委員會近日討論政府提出重置中環香港郵政總部，反對派又有4名議員缺席，結果建議獲得通過。
本來通過建議本身呢件係好事，但臨時演員都係演員，專業啲得唔得？口講反對但連會都唔去開，證明建議通過咗都唔係咩大件事，咁你班反對派議員之前又何須做戲反對呃like呢？咁樣只係證明呢班人都係口心不一。
工務小組委員會早兩日討論將1976年落成的中環郵政總局大樓，搬遷至九龍灣宏展街，估計涉款17億元，最後以19票贊成、14票反對，通過將有關建議提交立法會財務委員會審議。
香港中文大學「獨」講師劉正又喺伭b上載投票記錄玩踢爆，點名公民黨嘅陳淑莊、工黨嘅張超雄、民主黨黃碧雲同資訊科技界嘅莫乃光缺席冇投票。
「獨師」截記錄 幫黃絲諗埋點兜
講起陳淑莊，佢曾經同「保護海濱聯盟」搞活動反對政府準備拆卸中環郵政總局，話郵政總部雖非古蹟，但就係中環嘅地標同埋香港歷史嘅一部分，有「人文歷史價值」，唔應該清拆。張超雄亦曾經講過，話郵局大樓係標誌性建築物，而且仲「好好地」發揮功能，唔應該拆咁話。
搞完一大輪，你哋咪一樣缺席投票！劉正就根據佢哋同班支持者一直以來嘅「邏輯」，諗埋班黃絲會點樣幫佢哋「解釋」今次缺席：「就算黃碧雲陳淑莊莫乃光張超雄四人全數出席兼投反對票，建制派一樣會以19:18強行通過；呢個只係工務小組提案，就算被否決咗，一樣可以直上財委會再提一次。」
佢繼續話：「建制派咪一樣有人唔開會！......你估（未有參與會議的）梁美芬何君堯謝偉銓馬逢國真係唔響立法會咩，到飯民全體出席果（嗰）陣，佢地（哋）咪一樣可以落黎（嚟）加人照贏個議案。」
「問去咗邊係侵私隱會被恐嚇」
劉正又寸爆「搶手機」事件主角、民主黨議員許智峯：「正如胡志偉同許智峯所言，走去問議員究竟點解唔投票，係唔尊重立法會；而問議員響投票果（嗰）陣唔出席去咗邊，亦係侵犯議員私隱，所以係唔道德架（㗎）！」
針對缺席多次會議仲喺被揭發後罵街鬧人的「自決派」區諾軒，佢就話要代「尊貴」嘅吨炾搳G「你做咩針對飯民針對咗幾十年仍然死心不息？你估我唔知你屋企人做乜？你番（返）工地址響邊？」
佢最後強調，「我對於呢班因為朝早10點所以索性訓（瞓）覺唔開會嘅垃圾飯民，其實係相當寬容；但事實就係，你唔開會就係唔開會，無×解釋點解唔開就係無×對選民作出交待（代）。我無氣鬧（因為太多嘢要鬧，同埋再鬧落去可能會比（俾）人恐嚇），留個紀（記）錄比（畀）有心人跟進都係一件好事。」 ■香港文匯報記者 陳川