■梁耀忠昨日接受劉慧卿訪問。 OurTV.hk fb影片截圖「街工」立法會議員白頭忠（梁耀忠）最近是非纏身，但次次解畫就四両撥千斤，唔做主席就「有苦衷」，俾人話無良僱主就「唔明白」，令到「街工」勞工組嘅幹事都相當氣憤，噚日喺奀筐𢦀像X問後就喺facebook出文留言話白頭忠大話多多、誤導公眾。一班網民就不停寸佢，咁唔想做，就唔好再選啦。
白頭忠尋日接受民主黨前主席劉慧卿訪問時，稱自己從沒有說要解僱員工，不明白為什麼傳出這說法，並稱組織現在出現財赤，希望成員一起討論解決問題，但有關成員一直沒有提交解決方案。
他並反駁勞工組聲稱自己是「無良僱主」的說法，稱他們仍在上班，仍獲支薪，而以「打簿咪知有冇糧出」的言論控訴他是斷章取義的做法。
梁耀忠坦言，原本9個執委剩下3個，他們將會在短時間內開大會重新組織執委會，而批評他的20多個會員已經離開，現在餘下的會員都較支持自己，並否認自己是「一人專政」。
不過，連劉慧卿聽完都不斷感嘆︰「幾肉酸呢？又何必呢阿忠？」
一直被指裁員是想保留資源「永續參選」的白頭忠稱，自己「未決定」2020年是否再參選立法會，強調2016年時已讓位「街工」黃潤達參選新界西，自己轉戰「超區」，故「永續參選」的說法「不存在」。
退會人數增至超過35人
人類真係永遠都犯同樣嘅錯。你咁樣開口推卸責任，勞工組班人咪玩返踢爆囉。勞工組個王曉君即刻就喺facebook出post（文）回應白頭忠嘅所謂澄清，首先就話??家退會人數已經達到35人以上，唔係白頭忠講嘅20幾人。
佢又批評白頭忠將自己種種問題講成「我無做錯啊、係佢哋屈×我、件事唔係咁......」，仲加多3件事去解釋白頭忠幾咁可惡。
首先，白頭忠喺2016年唔做主席時，話會員「唔介意我離開會議廳」，王曉君就踢爆︰「相反係好×嬲好×嬲你就咁走×咗去！否則都不會有緊接既（嘅）執委會重選啦！」
第二就係白頭忠話唔明點解人哋話佢炒勞工組3個職員，王曉君回應︰「係你3月9日晚上執委會講得清清楚楚呢三個人唔可以留低！調職也不行！4月下旬阿蘇（蘇耀昌）亦開始同會外人士講短期內勞工組會被遣散。」
被批為圓謊 大話冚大話
第三就係白頭忠成日以「自負盈虧」去講勞工組嘅問題，王曉君話︰「（自負盈虧）唔×係你剷除異己既（嘅）理由！你來歷不明既（嘅）財困居然淨係針對一個部門連根拔起！......算吧啦你！」
王曉君反問白頭忠，認真道個歉係咪咁難，「為咗圓謊，要不停講更多大話，何必呢？」
3個職員之一嘅譚亮英喺fb都有篇人哋寫嘅文，其中一部分都回應到點解白頭忠係無良僱主，「咁請問為何要閣下僱員要在月尾睇打簿來『確認』自己是否受薪？」王曉君就留言話：「又講勁多大話！」 ■香港文匯報記者 鄭治祖