■又想傷者冇事又想RIP？ fb截圖反對派見「對家」唔小心寫錯字，都借題發揮話人質素低呀之類。老實講，反對派一樣成日寫錯字，而且有時仲錯得非常離譜。好似民主黨葵青興芳區議員吳劍昇咁，竟然「祝」一個正在醫院搶救嘅女子「R.I.P」（願他（她）安息），嗰位女士同佢家人真係多得佢唔少！
香港文匯報此前寫過，公民黨荃灣梨木樹東嘅區議員陳琬琛，同梨木樹西嘅黃家華此前聯合出張海報，話「成功爭取梨樹路地面凹凸不平」，俾人笑到面黃。佢同黨趙家賢講太古城槍擊案嘅「偉論」亦俾人鬧爆。唔知愚蠢喺同類之間係咪會容易啲傳染，吳劍昇昨日亦「搞出大事」。
鴿訟鬥低能 偷刪都冇用
話說吳劍昇喺�嘅自己議員辦事處fb專頁上載一單新聞：一名女子在葵涌葵富路葵涌廣場的寓所內上吊，並送院搶救。翌日單新聞講得好清楚係送院搶救，但吳劍昇有竟然喺帖度叫人「R. I. P.」。
雖然佢fb冇咩人睇，但仍有人發現咗呢個「詛咒」。「Lawrence Wong」就話：「佢即係咒個女人死？」「Oliver Lance」則喺伭b留言：「仲搶救緊就RIP？」如果女事主一旦有咩冬瓜豆腐，咁佢真係「成功爭取」囉！
吳劍昇嘅fb管理員發覺後，只係喺留言處道歉：「唔好意思，因為一早見到呢個新聞，覺得很遺憾，一時手快寫錯咗，非常抱歉。」然後就編輯帖文，刪去「R.I.P」3個字。
以為冇人知？編輯記錄仲喺度喎！真係學子華神話齋，若要人不知，唔好太低B！ ■香港文匯報記者 陳川