反對派喺立法會討論嘅時候到底有幾hea（求其）？財務委員會主席波哥（陳健波）日前就出咗段片話畀大家知（見圖）。話說財委會近日開會討論葵涌區興建一個升降機及行人通道系統時，公民黨議員郭家麒就大大聲問點解起5部𨋢要5.8億元，即平均一部??起碼1億元，質疑政府係咪「癲咗」。路政署署長鍾錦華就客氣指出，其實文件邊頁邊段咪寫咗5部??連埋相關機電工程只係大概2,500萬元囉。波哥見到同事咁失禮都即刻話︰「請大家睇清楚文件先。」
郭家麒喺日前嘅財委會會議口響鬧政府起部??要成億，「係咪癲咗呢？」佢咁狠批政府，係愛啊？定係責任啊？係冇睇文件同冇常識啊。
鍾錦華回應嘅時候除咗指出邊度寫明造價外，都細心解釋返畀郭家麒聽，其實以億元計嘅工程，主要支出係喺地基工程及升降機機塔等。
陳健波批嘥開會時間
波哥當場亦都批評話，議員應該睇清楚文件，唔好郁下講啲起部??要成億嘅言論，「你鬧完一輪原來都唔係咁嘅事，咁咪嘥晒啲時間囉。」
為咗令市民更清楚議會情況，波哥亦將郭家麒嘅奇問整咗做反面教材瞻W網，強調學生做好功課好緊要，議員都係，「如果議員肯睇清楚文件，官員就唔駛（使）糾正議員嘅問題，時間自然用得好，更有效率。」
有網民話，郭家麒本身係一名醫生，但做嘢竟然咁求其，擔心佢會害人不淺。亦有網民直指，郭家麒咁樣嘅議員唔應該留喺議會。 ■香港文匯報記者 鄭治祖