反對派嘅投票藝術，我哋真係識條鐵咩？除咗公民黨喺前年《醫生註冊（修訂）條例草案》二讀投晒贊成、反對同棄權票，好似啲球迷買晒主客和之外，原來自稱立場堅定嘅民主黨，都係不遑多讓㗎！有統計就踢爆民主黨議員包辦今個年度立法會大會投棄權票比率最高嘅三甲，順序為搶女人手機嘅陷噗hone（許智峯）、 咖啡廷（林卓廷）同鄺神（鄺俊宇），其中許智Phone平均10次投票就有超過三次棄權，都咪話唔得人驚！民建聯就喺facebook叫本身係作家嘅鄺神，不如寫本書叫《數到三，就放棄》，講吓棄權心得啦。
許智峯林卓廷鄺俊宇贏晒
有網媒摷返今個立法年度立法會大會嘅記名表決記錄做統計，發現投棄權票比率最高嘅議員係許智Phone，喺157次投票之中投咗58次棄權，比率達到36.9%。跟住就係咖啡廷，佢投棄權票次數比許智Phone多，有59次，但由於佢投咗204次票，比率拉返埋就係28.9%。
鄺神排第三，喺161次投票之中投咗41次棄權，比率係25.5%。
另外，反對派喺缺席投票方面嘅成績都幾「彪炳」㗎，工黨「難民之父」張超雄喺258次記名表決當中，有125次缺席，比率高達48.4%，唔怪得之下屆唔做議員啦。民主黨一嚿雲（黃碧雲）亦都有116次缺席，比率係45%。
「榮登」棄權榜榜首嘅陷噗hone就辯稱，喺政府法案方面，當佢認為政策方向正確但唔認同落實手法，又或者當佢唔可以完全認同或者完全唔認同議員議案嘅時候，就會投棄權票，對榮登榜首感到「意外」喎。
有大約50次缺席投票嘅咖啡廷，更加賴落去佢喺「一地兩檢」條例草案審議嗰陣俾人趕離場，搞到佢無得投廿幾次票，但唔知咁同佢有得投票時投棄權票有咩關係呢？
民記提議鄺神出書講心得
民建聯噚日喺facebook整咗張圖抽民主黨水，形容係「三『鴿』拎三甲」（見圖），又問鄺神會唔會出返本書講棄權，「咁啱奀⑻臚T喎，不如書名就叫《數到三，就放棄》啦。」點解民建聯可以咁理直氣壯？皆因同一個統計發現佢哋啲議員夠勤力，黃定光同鄭泳舜只有一次缺席投票，係咁多個議員當中最少，葛珮帆就只有兩次，排尾三。 ■香港文匯報記者 陳庭佳
