■王岸然喺fb公審長毛搶人飯碗一事。 「On8 Channel - 王岸然頻道」fb截圖無良炒人並唔係街工獨有權利，繼白頭忠（梁耀忠）被街工中人指證佢為咗「永續參選」而解僱「勞工組」3個幹事，以保留資源後，近日亦有「花生台」前員工「Kwan Buch Pearce」自爆，自從社民連長毛（梁國雄）被DQ後，自己就即刻俾廢陶（成立「花生台」的陶君行）炒，「拎我份糧去養毛哥」，連自己啱啱經歷完屋企火燭同婚變都冇情講。益友「陳興旺」亦留言話︰「唔怪之梁耀忠無理抄（炒）人，毛仔又唔出聲，原來大家都係一擔擔！」
一眾反對派自從被DQ後，籌款籌到同乞錢都冇分別，但似乎連市民嘅捐款都唔夠使，其中長毛就唯有靠廢陶炒人去養啦。「花生台」前員工、被人稱為「阿水」嘅「Kwan Buch Pearce」近日就喺facebook上大踢爆長毛搶人飯碗，「（長毛）一DQ無耐，廢陶就開我波，炒我，拎我份糧去養毛哥。」長毛之前就公開批評「Kwan Buch Pearce」收錢唔做嘢，佢就反駁長毛「搵個唔係理由嘅理由炒」，又問「唔做嘢坉茈x日日有節目準時出街？」
8月火燭 9月婚變 10月被炒
「Kwan Buch Pearce」仲講埋自己當時幾咁淒涼︰「我8月屋企火燭，9月我同我老婆婚姻出問題，10月開刀炒我。係人係鬼都唔係響個員工困難時候炒人啦。」
長期狙擊長毛嘅時事評論員王岸然（黃覺岸）當然把握機會，喺fb公審長毛搶人飯碗一事，要求長毛同「花生台」交代。王岸然之後又再出post（文）揶揄長毛「有何面目面對被你炒的舊朋友」、「全部大有成就，叻過你靠乞啦」。
兩前助理「甩毛」反上位
有知情者「蕭強 」亦留言話，自己識兩個長毛前助理，最後都不歡而散，但後來都喺其他反對派組織上位。王岸然又一唱一和：「證明毛賊其人無眼光小氣（器）容不下人才，人才同他合作被炒後反而事業大有成就，兩個被他炒的員工皆成現任尊貴區議員。當然仲有個不得了的叻仔，性（姓）容（《輔仁媒體》總編容樂其）架（㗎）。」 ■香港文匯報記者 何西