■吳嘉熙處女擔正連場崩潰獲讚。香港文匯報訊 Super Girls成員吳嘉熙（Cheronna）最近主演ViuTv的電視劇《Plan B》熱播，其中Cheronna於劇中為向一個男人實行復仇大計，策劃了一場綁架案，「肉參」竟然是自己，其崩潰、憤怒的演技備受網友讚賞。
劇集已進入尾聲，Cheronna對於自己的連場崩潰爆喊戲獲讚直言非常驚喜，她表示︰「冇特別留意網友留言，不過好開心，那段時間唔開心、緊張、辛苦及有壓力都係值得。」她坦言首次於劇集中擔正非常大壓力，而且情緒相當低落︰「記得拍攝時好大壓力，首次做女主角，驚做得唔好，同埋呢個角色同本身的自己好唔同，我好少會將憤怒、崩潰情緒帶出嚟，所以我覺得好緊張，拍攝時嗰兩個月keep住情緒低落，其他演員之後有同我講，當時我超down的氣場好勁，喺片場都感受到。」
昨晚剛播出的一集，Cheronna再次上演情緒崩潰，她坦言拍攝時一發不可收拾，即使cut機仍繼續爆喊，更憶起過往被前度「背叛」的經歷︰「拍爆喊崩潰嗰日，成朝都keep住好唔開心，cut機後亦喊到收唔到聲，當時係會將自己過往被背叛經歷的情緒放埋入去，雖然同劇中的背叛唔同，但係已經令我崩潰。」
幸好Cheronna於劇集拍攝尾聲，心情已經平復不少，更學懂凡事要放開，她表示︰「劇入面個角色好自私，為報復而不惜一切，影響更多人，其實應該放下仇恨，而套用在現實生活上面，有時我哋因為仇恨或者悲傷，會失去理智，如果放開，反而自己心情會舒服點。」